कोरिया, विकसित भारत संकल्प यात्रा म मेरी कहानी, मेरी जुबानी के तहत श्रीमती काजल देवांगन, सुमती चक्रधारी, रजवंती बाई ह प्रधानमंत्री उज्जवला योजना के तहत गैस सिलेण्डर मिले म मोदी सरकार ल धन्यवाद देवत कहिन कि अब आंखी म आंसू आना बंद होही। आनी के रहर्वया किसान श्री प्रदीप शुक्ला ह किसान सम्मान निधि ले होए लाभ के बारे म बताइस। उजाला स्व सहायता समूह के महिला मन ह बेटी बचाओ, बेटी पढ़ाओ ल बढ़ावा देवत बहुतेच सुग्घर गीत ‘बेटी हूं, लिखूंगी, पढ़ूंगी, मेहनत करूंगी, उजाला लाऊंगी’ सुनाइन।
ग्राम आनीच के श्रीमती रमनिया सिंह ह प्रधानमंत्री आवास (ग्रामीण) मिले म प्रधानमंत्री मोदी के आभार जताइस, वो ह बताइस कि कच्चा मकान ले छुटकारा मिल गे अब पक्का मकान मिले ले पानी टपके के तकलीफ घलोक दूर हो गे। आयुष्मान कार्ड के माध्यम ले पथरी बीमारी के इलाज होए म मोदी सरकार ल धन्यवाद देवत श्रीमती बेला बाई ह बताइस कि गरीब परिवार बर ये आयुष्मान कार्ड संजीवनी के जइसे हे। घर म इलाज बर पइसा नइ रहिस, अइसन म आयुष्मान कार्ड ले पूरा इलाज हो गे।
विकसित भारत संकल्प यात्रा म प्रधानमंत्री आयुष्मान योजना, प्रधानमंत्री उज्जवला योजना, प्रधानमंत्री ग्राम घर योजना, प्रधानमंत्री जीवन ज्योति बीमा, प्रधानमंत्री पेंशन योजना, प्रधानमंत्री किसान सम्मान निधि, केसीसी कार्ड, मृदा परीक्षण, प्रधानमंत्री पोषण आहार योजना, सिकल सेल परीक्षण, श्रमिक पंजीयन कार्ड, प्रधानमंत्री जन-धन खाता जइसन योजना मन के स्टॉल लगाए जात हे।