कोरोना टीकाकरण म सियान दाई फेकनबाई ह जताइस भरोसा

रइपुर, 5 मई 2021 बुधवार। कोरोना संक्रमण ले बचाव बर करत टीकाकरण म बलौदाबाजार-भाटापारा जिला के नगर पंचायत पलारी के वार्ड क्रमांक 12 के र​हवइया 70 बछर के सियान फेकनबाई विश्वकर्मा ह भरोसा जताइस हे। उन मन कोरोना वैक्सीन के दूनों डोज लगवा डारे हावय। उन मन कहीन कि कोरोना के टीका एकदमे सुरक्षित हावय अउ कोनो नुकसान तको नइ हे भलकुन मोला टीका लगे के पीछू मोर शरीर म पहिली ले जादा ताकत आईस हे। फेकनबाई ह अपन टीकाकरण के अनुभव ल बतावत कहीन कि टीका लगवाना हम सबोके स्वास्थ्य बर अड़बड़े जरूरी हे। एकर ले कोनो किसम के नुकसान तको नइ हे। आप सबो टीका बजुर लगवावव अउ सउंहे अउ अपन परिवार ल कोरोना होए ले बचावव।