दूफसली धान के खेती करइया किसान मालती ह मक्का फसल के खेती ले कमाइस दुगुना मुनाफा

जशपुरनगर, मुख्यमंत्री श्री विष्णुदेव साय के हुकुम के मुताबिक जिला म जल सरंक्षण अऊ किसान मन के आय बढ़ाए बर कई ठन योजना संचालित हे। जेखर फायदा कइयोन किसान के संगेच पत्थलगांव विकासखण्ड के ग्राम काडरो के किसान मालती मोहन उठावत हे। पहिली ग्रीष्मकालीन धान के खेती करइया किसान मालती ह कृषि विभाग के मार्गदर्शन ले ए पइत 2 एकड़ के जमीन म मक्का फसल के खेती करिस। जेखर से वोला 88,200 रूपिया के शुद्व आमदनी होइस। जेन धान फसल के तुलना म दुगना रहिस।
किसान मालती मोहन ह बताइस के विभाग ले संपर्क करके मक्का फसल लेके खेत म लगाइस अउ उत्पादन म कुल 11,800 रुपिया के खरचा आइस, जेमां खाद, बीज अउ आन व्यवस्था सामिल हे। मक्का के बिक्री ले 1 लाख रुपिया के आमदनी होइस, जेखर से ओ ल 88,200 रू. के शुद्व मुनाफा मिलीस। एखर उलट गर्मी के मौसम म धान के खेती म जादा लागत लगत रहिस अऊ पानी घलोक जादा लगत रहिस जेकर तुलना म लाभ घलोक कम होत रहिस।
मालती मोहन ह मुख्यमंत्री श्री साय अऊ जिला प्रशासन के सराहना करत कहिन के धान के जगा म आन फसल के खेती बर मैं प्रेरित होए हंव जेखर फायदा मोला मिले हे संगेच मोर आर्थिक स्थिति मजबूत होए हे अऊ जल सरंक्षण ले पर्यावरण सरंक्षण ल घलोक बढ़ावा मिले हे।