रायपुर, 13 जुलाई 2020। प्रदेश म कोरोना के कहर थमें के नाम नइ लेवत हे. सोमवार के फेर 184 नवा कोरोना पॉजिटिव मरीज मिले हे. जबकि 49 मरीज ठीक होय के बाद डिस्चार्ज करे गे हे. छत्तीसगढ़ के हॉटस्पॉट बने रायपुर म अब्बड़ मरीज मिलत हे. एखर संग ही राज्य म संक्रमित मन के आंकड़ा 4265 होगे हे, जोन म ले 3202 मरीज स्वस्थ्य होय के बाद डिस्चार्ज करे जा चुके हे. जबकि 1044 एक्टिव मरीज हे. अब तक 19 लोगन मन के कोरोना महामारी ले मउत हो चुके हे. सोमवार के मिले नवा 184 कोरोना पॉजिटिव मरीज मन ले रायपुर म 87, राजनांदगांव 26, दुर्ग 25, मुंगेली 9, गरियाबंद 8, धमतरी 7, बेमेतरा- कबीरधाम 4-4, बिलासपुर 3, बलौदाबाजार 2, बालोद -महासमुंद -रायगढ़- जांजगीर-चांपा- सरगुजा- कोरिया-जशपुर-नारायणपुर-गौरेला-पेण्ड्रा-मरवाही म 1-1 मरीज मिले हे.
