कोरोना वायरस ले बचाव म सहायक होही ये चूर्ण : मुख्यमंत्री श्री बघेल
गरियाबंद के केशोडार म भूतेश्वर हर्बल वन धन केन्द्र के समूह के महिला समूह ह 10 जड़ी बूटी ले तैयार करे हे ये चूर्ण
मुख्यमंत्री ह महिला समूह मन कोति ले तैयार कई ठन आयुर्वेदिक उत्पाद मन ल घलोक करिन लाॅन्च
रायपुर, 05 जून 2020/ मुख्यमंत्री श्री भूपेश बघेल ह आज इहां अपन निवास कार्यालय म रोग प्रतिरोधक क्षमता बढ़ाए म सहायक आयुर्वेदिक सर्वज्वरहर चूर्ण (काढ़ा) लाॅन्च करिन। ये चूर्ण गरियाबंद जिला के केशोडार म भूतेश्वर हर्बल वन धन केन्द्र के महिला स्व-सहायता समूह के महिला मन ह 10 जड़ी बूटी मन ल मिलाके तैयार करे हें। मुख्यमंत्री श्री भूपेश बघेल ह कहिन के इम्युनिटी बढ़ाके ही कोरोना वायरस ले बचा जा सकत हे। आयुर्वेदिक सर्वज्वरहर चूर्ण कोरोना वायरस ले बचाव म काफी मददगार होही। मुख्यमंत्री ह मेडिकल काॅलेज अऊ आन सामाजिक संस्था मन ल कोरोना महामारी ले निपटे बर मनखे मन के रोग प्रतिरोधक क्षमता बढ़ाए बर बांटे जात आयुर्वेदिक काढ़ा के सराहना घलोक करिन।
गरियाबंद के महिला समूह ये चूर्ण सौंठ, काली मिर्च, पीपली, लौंग, छोटी इलायची, बड़ी इलायची, दाल चीनी, जायफल, जावित्री अउ तुलसी पत्र के मिश्रण ले तैयार करे गए हे। ए चूर्ण के उपयोग करे बर 10 मिली लीटर पानी खौलाए के बाद वोमा डेढ ग्राम चूर्ण मिलाके पानी उबालना बंद कर 10 मिनट बर रखे के बाद एला छानके पीना चाही। रोग प्रतिरोधक क्षमता बढ़ाए बर ए चूर्ण के तीन दिन तक सेवन करना होही। मुख्यमंत्री ह ए अवसर म भूतेश्वर हर्बल वन धन केन्द्र गरियाबंद के वन औषधि अऊ जड़ी बूटि मन ले तैयार उत्पाद मन के केटलाग के विमोचन घलव करिन। ए वन धन केन्द्र के महिला मन ह अश्वगंधा ले तैयार नवायष चूर्ण, पुनर्नवा चूर्ण, अश्वगंधा चूर्ण, सतावरी चूर्ण, कौंच चूर्ण, तुलसी चूर्ण, महाविषगर्भ तेल, भृंगराज तेल जइसे उत्पाद तैयार करे जात हे। केटलाग म ए उत्पाद मन के उपयोग के बारे म घलोक जानकारी दे गीस। मुख्यमंत्री श्री भूपेश बघेल ह ए अवसर म कहिन कि इम्युनिटी बढ़ाके कोरोना ले बचा जा सकत हे।
इस अवसर म राज्य योजना आयोग के उपाध्यक्ष श्री अजय सिंह, मुख्यमंत्री के अपर मुख्य सचिव श्री सुब्रत साहू, प्रमुख सचिव वन श्री मनोज पिंगुआ, मुख्यमंत्री के सलाहकार श्री प्रदीप शर्मा, श्री विनोद वर्मा, श्री राजेश तिवारी, श्री रूचिर गर्ग, प्रधान मुख्य वन संरक्षक श्री राकेश चतुर्वेदी, पीसीसीएफ अउर प्रबंध संचालक छोटे वनोपज संघ श्री संजय शुक्ला, राज्य योजना आयोग के सदस्य श्री के.सुब्रमण्यम अऊ सदस्य सचिव श्री राजेश राणा घलोक उपस्थित रहिन।