जगदलपुर, 26 अप्रैल 2021 सम्मार।
कोरोना के संक्रमण ले जिहाँ दुनिया भर डेराय हे उहे ये बिपत के घड़ी म स्वच्छता कर्मी मन अपन दायित्व पूरा निष्ठा अउ ईमानदारी ले निभावत हे।
कोरोना के संक्रमण के सेति लॉकडाउन म सब अपन घर म घेराए हे फेर अइसन समे म नगर के सफई के दायित्व स्वच्छता कर्मी मन बखूबी निभावत हे। उन मन सामान्य दिन कस लाॅकडाउन म तको घरो-घर दस्तक देवत हे अउ दुवार-दुवार कचरा सकेल के बूता करत हे। सगे-संग सड़क अउ घर दूनो के उठाए कचरा मन के प्रबंधन तको करत हे।
कोरोना के प्रकरण आते ही, उहाँ ल स्वछता कर्मचारी मन के एक दल सेनेटाइज करत हे। दूसर दल कार्यालय अउ होम आईसोलेशन म रहइया मरीजं मन के घर ल सेनेटाईज करत हे।
एकरे संघाती निगम के अमला डाहर ले संक्रमित मनखे के लाश के क्रियाकर्म तको परम्परा के अनुसार पूरस सम्मान के साथ करके समाज ल पोठ योगदान देवत हे । कई पइत ले परिवार के सदस्य उपस्थित नइ होए के दशा म निगम के कर्मचारी डाहर ले मुखाग्नि तको देहे जावत हे।
