कोरोना ले बचाव बर नियम मन के कड़ई ले पालन होवय : मुख्यमंत्री दाउ भूपेश बघेल

रइपुर, 02 मई 2021 इतवार। मुख्यमंत्री दाउ भूपेश बघेल ह राज्य म कोरोना संक्रमण के स्थिति के सरलग निगरानी करत रोजीना समीक्षा करत हावय। राज्य म कोरोना संक्रमण ले बचाव अउ रोकथाम के संगे—संग इलाज बर शासन-प्रशासन के संघरा प्रयास ले हर आवश्यक उदीम अउ प्रबंध होवत हे।

राज्य म एक मई तक कुल 72 लाख 6 हजार 500 टेस्ट होए हे जेमा कुल 7 लाख 28 हजार 700 कोविड प्रकरण हे, जेमा ले वर्तमान म 6 लाख 1 हजार 161 स्वस्थ होगे अउ एक लाख 18 हजार 958 प्रकरण सक्रिय हे। छत्तीसगढ़ म कोरोना जांच, इलाज अउ कोरोना टीकाकरण के सुविधा बढ़ाए बर आवश्यक कदम उठावत हे। मुख्यमंत्री ह कहीन कि कोरोना संक्रमण के रोकथाम अउ मरीज मन के इलाज बर फंड के कोनो कमी नइ होवय। प्रदेश म प्रति 10 लाख के अबादी म 2 लाख 50 हजार 888 सेम्पल मन के जांच करे गे हे, जबकि राष्ट्रीय स्तर म प्रतिदिन 10 लाख आबादी म 1430 हवय ।
राज्य म वर्तमान म 31 ठिन शासकीय लैब अउ 5 ठिन निजी लैब म ट्रू-नॉट जांच के सुविधा हवय । 7 ठिन शासकीय लैब अउ 5 ठिन प्रायवेट लैब म आरटीपीसीआर के जांच सुविधा हे । रैपिड एंटीजन टेस्ट के सुविधा प्राथमिक स्वास्थ्य केन्द्र स्तर तक उपलब्ध हवय । राज्य म अभीन 4 नई शासकीय आरटीपीसीआर लैब महासमुंद, कांकेर, कोरबा अउ कोरिया म तको स्थापित होवइया हे ।
राज्य म कोविड-19 मरीज मन के इलाज बर राज्य शासन 6 ठन मेडिकल कालेज अउ एम्स रायपुर संग 37 डेडिकेटेड अउ कुल 154 कोविड केयर सेंटर तियार करे हवय। कोविड हास्पिटल म 5 हजार 294 बेड अउ कोविड केयर सेंटर म 16 हजार 395 बेड तियार करे गे हे। निजी कोविड अस्पताल म कुल 9 हजार 596 बेड तियार करे गे हवय। कुल वेंटिलेटर एक हजार 151 हवय । राज्य म 15 नवा ऑक्सीजन जनरेशन प्लांटॅस स्थापित करे गे हे अउ 9 ठिन प्लांट्स प्रक्रियाधीन हवय।

अब तक राज्य म 2.5 लाख ले आगर लोगन मन ल होम आइसोलेशन प्रदाय करे गे हे जेमा 90 प्रतिशत मरीज स्वस्थ होए हे।
स्वास्थ्य कार्यकर्ता मन के टीकाकरण म पूरा देश म दूसरा सर्वश्रेष्ठ प्रदर्शन छत्तीसगढ़ के हवय । 45 बछर ले जादा उमर समूह ल कोविड-19 वैक्सीन के पहिली डोज देहे म छत्तीसगढ़ राज्य पूरा देश म चौथा हवय।

वर्तमान म राज्य म प्रतिदिन औसतन 2.13 लाख व्यक्ति मन के टीकाकरण होवत हे । छत्तीसगढ़ म 88 प्रतिशत हेल्थकेयर वर्कर, 94 प्रतिशत फ्रंट लाईन वर्कर अउ 45 बछर ले जादा आयु वर्ग म 73 प्रतिशत हितग्राही मन ल टीकाकरण के पहिली डोज देहे गे हे। 62 प्रतिशत हेल्थ केयर वर्कर, 56 प्रतिशत फ्रंट लाइन वर्कर अउ 45 बछर ले जादा उमर वर्ग म 6 प्रतिशत नागरिक मन ल दूसरइया डोज देहे गे हे।
मुख्यमंत्री दाउ बघेल ह छत्तीसगढ़ के सबो सामाजिक अउ व्यापारिक संगठन प्रमुख मन ले कोरोना ले रोकथाम अउ बचाव के प्रयास म अपन सक्रिय सहभागिता सुनिश्चित करे के अपील करीन हे। उन् मन कहीन कि कोरोना ले हम सब मिलके लड़बोन तभे कोरोना ले हरोबेान । ये समय सबो जुरमिल के कोरोना ले बचाव के नियम मन के कड़ई ले पालन करन अउ अधिक से अधिक लोगन ल टीकाकरण कराए बर प्रेरित करन।