कोरोना ले हम सब मिलके लड़िंगे तभेच कोरोना ल हरो पाइंगे: दाउ भूपेश बघेल

रइपुर, 7 अप्रैल 2021 बुधवार। मुख्यमंत्री दाउ भूपेश बघेल ह आज इहां अपन घरू कार्यालय म वीडियो कॉन्फ्रेंसिंग के माध्यम ले आयोजित बइठका म राज्य के जम्मो संभागीय मुख्यालय म उपस्थित जम्मो सामाजिक संगठन मन के प्रमुख मन ले कोरोना के रोकथाम अउ बचाव के उपाय बर म राज्य शासन के संग सहयोग के अपील करे हावयं।
मुख्यमंत्री ह कही हे कि कोरोना ले हम सबो मिलके लड़िगे तभेच कोरोना ल हरो पाइंगे। पाछू बछर तको समाज के लोगन मन ह ये काम म बढ़-चढ़कर हिस्सा लिए रिहिन हे, ये पइत तको सामाजिक संगठन मन ह बढ़-चढ़कर सहयोग करे के आश्वासन देहे हवय। मुख्यमंत्री ह कहीन हे कि इही बेरा हे जब हम सबो जुरिया के कोरोना ले बचाव के नियम कन के क़ड़क के पालन करन । घेरी-बेरी हाथ धोवत रहन, मास्क के प्रयोग करन अउ फिजिकल डिस्टेंस बनाके रखन। बचावेव म हमार सुरक्षा हवय। हम सब ल कड़ई ले एकर पालन करना चाही।