रइपुर, 28 जुलाई 2021 बुधवार। कोरोना ह कईयोन परिवारों ले उन्कर एक मात्र कमइया सदस्य ल छीन ले हे। अइसन म उन परिवार मन के आगू म रोजी-रोटी के संग बच्चा मन के पढ़ाई-लिखाई, उन्कर भविष्य असन कइयोन समस्या आगू आए लगे हे। अइसन म राज्य सरकार पीड़ित परिवार मन के सहारा बन के उनकर परेशानी दूर करत हे। अइसनेहे परिवार मन म एक सूरजपुर जिला के रामानुजनगर विकासखण्ड के ग्राम पंचायत मदनपुर के स्वर्गीय आनंद राम के परिवार हवय।
परिवार के एक मात्र कमइया सदस्य स्वर्गीय आनंद राम के मृत्यु कोरोना ले होए के पीछू उन्कर परिवार आर्थिक परेशानी ले गुजरत हावय। से गुजर रहा था। अइसन म राज्य सरकार ह परिवार के सहारा बनके उन ल श्रम विभाग कोति ले मुख्यमंत्री असंगठित कर्मकार मृत्यु अउ दिव्यांग सहायता योजनान्तर्गत एक लाख रूपिया, पंचायत अउ ग्रामीण विकास विभाग कोति ले श्रद्धांजलि योजनान्तर्गत 2 हजार रूपिया, समाज कल्याण विभाग कोति ले परिवार सहायता योजनान्तर्गत 20 हजार रूपिया. ये तरा कुल 1 लाख 22 हजार रूपिया के आर्थिक सहायता प्रदान करे गे हवय । स्वर्गीय आनंद राम के पत्नी श्रीमती चंदा सिंह ल अंशकालीन स्वीपर पद अनुकम्पा नियुक्ति अउ उन्कर दूनों लइका मन ल महतारी दुलार योजना के तहत शासकीय स्वामी आत्मानन्द इंग्लिश मिडियम स्कूल, भूनेश्वरपुर म फोकट म शिक्षा देहे जावत हे।
विभाग कोति ले पाए पइसा के पति के उपचार बर लेहे कर्जा चुकाइस अउ दूनो लइका मन के भविष्य सुरक्षित रखे बर बैंक म 25-25 हजार रूपिया जमा करे गे हे । श्रीमती चंदा ह उन्कर कठिन समय म सहारा बने बर राज्य सरकार के आभार व्यक्त करीन हे।
