प्रदेश के रिकवरी दर बढ़कर 86 प्रतिशत हो गे, हफ्ता भर म पॉजिविटी दर 20 प्रतिशत ले 12 प्रतिशत म पहुंचिस
रायपुर, 15 मई 2021। छत्तीसगढ़ म पाछू एक हफ्ता (8 मई ले 14 मई) म 81 हजार 301 मरीज कोरोना ले स्वस्थ होए हें। ये ह ये बेरा म प्रदेश म मिले नवा कोरोना संक्रमित मन ले 11 हजार 493 जादा हे। राज्य शासन कोति ले कोरोना संक्रमण उपर नियंत्रण बर होत प्रभावी उपाय मन ले रिकवरी दर सरलग बाढ़त हे। अभी प्रदेश के रिकवरी दर 86 प्रतिशत म पहुंच गए हे। पॉजिविटी दर म घलोक दिन-प्रतिदिन गिरावट आवत हे। पाछू हफ्ता के शुरूआत म 8 मई के प्रदेश के पॉजिविटी दर 20 प्रतिशत रहिस, जेन घटत-घटत 14 मई के 12 प्रतिशत म पहुंच गए हे।