सियान मन ह देखाईन रद्दा: उछाह ले ओसरी-पारी लगवावत हें कोरोना टीका

रायपुर, 5 मार्च 2021।। 1 मार्च ले सिान मन बर कोरोना वैक्सीन पूरा देश संग राज्य म घलोक लगे लगे हे। सबो जिला मन ले उत्साहजनक समाचार आवत हे के सियान मन बड़ उछाह ले ये टीका लगवावत हें। बहुत अकन केन्द्र मन म परिवार के युवा सदस्य अपन मां बाप ल ले के आवत हें अऊ टीका लगे के बेरा उंखर फोटो खींच के अपन परिजन मन ल भेजत घलोक हें। कुछ जगा म व्हील चेयर म, मास्क लगाके घलोक वरिष्ठ नागरिक मन आवत हें अऊ धीर लगा के अपन पारी के अगोरा करके उम्मीद के टीका लगवावत हें काबर कि कोरोना काल ह उनला घर म बंद रहे बर मजबूर कर देहे रहिस। अब ओ मन ल ये भरोसा ले हे कि वैक्सीन लगे के बाद ओ मन अपन सामान्य जीवन जी सकहीं। ये ह युवा, हेल्थ केयर वर्कर अऊ फ्रंट लाइन वर्कर बर घलोक अनुकरणीय होही जेन पात्र होए के बाद घलोक टीका लगाय म हिचकिचावत रहिन। अब ओ मन घलोक आगू आके टीका लगवावत हें।