रायपुर, 19 दिसम्बर 2020। अमेरिका सरकार ह कोविड 19 महामारी ले निपटे बर प्राथमिक खुराक के रूप म टीकाकरण शुरू करे हे। ये पहल म, कोरिया जिला के चिरमिरी के रहइया डॉ दिव्या पटेल, जोन ताम्पा, फ्लोरिडा यूएस म रथे, उमन घलो कोविड-19 वैक्सीन के प्राथमिक खुराक लेहे हे।
डॉ दिव्या पटेल संयुक्त राज्य अमेरिका म कोविड -19 के संक्रमण के बाद ले सरलग काम करत रहिस। उमन बताइन कि “ मैं कोविड-19 के रोकथाम के उपाय के रूप म फाइजर बायोटेक के पहली खुराक ले हो। तीन हप्ता के बाद ओखर दूसरा खुराक मोला इंजेक्ट करे जाही। इही तरह दूसर चरण म, ये टीकाकरण गंभीर कोविड -19 रोगी अऊ वरिष्ठ नागरिके मन ल देहे जाही। ये वास्तव म राहत के बात हे काबर कि हमन ल टीकाकरण के पहली खुराक मिलीस, एखर बाद हम वो रोगी मन ल अधिक सहयोग दे सकत हन जोन महामारी के दौरान लंबा लड़ाई लड़त हे ”। छत्तीसगढ़ मूल के डॉ दिव्या पटेल फ्लोरिडा म एक डॉक्टर के रूप म काम करत हे अऊ महामारी फैले के बाद ले कोविड -19 रोगी मन म भाग लेवत हे।
