अफवाह मन ले सावधान रहे अऊ सबो ले टीका लगवाए के करिन अपील
जांजगीर-चांपा,14 मई, 2021। 92 वर्षिया देवकुमारी के बताती कोरोना टीकाकरण ल लेके कोनो मनखे कोनो प्रकार के अफवाह ले गुमराह झन होवव। देवकुमारी ह पाछू बुधवार के कोविड के टीका लगवाए हे।
वो ह छत्तीसगढ़ी म कहिस के “मै टीका लगवा ले हों, आप सब्बो झन टीका लगवा लेवा।” कोविड के टीका लगवाए के बाद देवकुमारी सिंह उपर कोरोना वायरस ले सुरक्षित होए अऊ आत्मविश्वास अनुभव के भाव दिखत हे।
जांजगीर-चांपा जिला के विकास खंड पामगढ़ के ग्राम रसौटा के रवइया 92 बछर के वयोवृद्ध देवकुमारी सिंह जिला पंचायत जांजगीर-चांपा के उपाध्यक्ष श्री राघवेंद्र प्रताप सिंह के माता ये। वो ह अपन बेटा के मदद ले रसौटा टीकाकरण केंद्र जाके उछाह अऊ निर्भीकता के परिचय देवत कोरोना के टीका लगवाइस। टीकाकरण कार्यक्रम के तहत जिला के -111 केंद्र मन म कोरोना वायरस ले सुरक्षा के टीका लगाए जात हे। जिला के 18 ले 44 साल तक के युवा मन म टीकाकरण बर जबरदस्त उछाह देखे जात हे। उहें गांव के सियान मन घलोक अफवाह मन के परवाह करे बिना निर्भीक होके टीकाकरण बर आगू आवत हें।
इही कड़ी म म पामगढ़ विकासखण्ड के ग्राम रसौटा निवासी 92 बछर के देवकुमारी सिंह ह वैक्सीन सेंटर म जाके टीका लगवाइस। वो ह कोरोना महामारी ले सुरक्षा बर सबो ल टीका लगवाए के आग्रह करे हे। वो ह टीका लगवाए के बाद कहिस के ओ ल कोनो प्रकार के कोनो शारीरिक तकलीफ नइ हे। कोरोना महामारी ले सुरक्षा बर टीका जरूरी हे। वो ह आन मनखे मन ल कहिन के ओ मन कोनो प्रकार के अफवाह म ध्यान झन देवव।