- 18 साल ले जादा के 75 प्रतिशत नागरिक मन ल दुनों टीका लग गे, ये आयु वर्ग के करीबन पूरा आबादी ल लग गे हे पहला टीका
- राज्य म अब तक कुल 3.59 करोड़ टीका लग गे
रायपुर, कोरोना संक्रमण ले बचाव बर प्रदेश के डेढ़ करोड़ ले जादा आबादी ल दुनों टीका लग गे हे। उहें 18 साल ले जादा के करीबन सबो पात्र मनखे कोरोना वैक्सीन के पहिली टीका लगवा डरे हे। ये आयु वर्ग के एक करोड़ 95 लाख 89 हजार 893 नागरिक मन ल कोरोनारोधी टीका के पहली खुराक देहे गए हे। राज्य म 15 ले 18 साल के दस लाख 26 हजार 890 किशोर मन ल घलोक एकर पहिली टीका लग गए हे। ये आयु वर्ग के 63 प्रतिशत लइका मन ल पहला टीका लग गए हे। प्रदेश के दू लाख 88 हजार 583 स्वास्थ्यकर्मी, फ्रंटलाइन वर्कर्स अऊ 60 साल ले जादा के नागरिक मन ल प्रिकॉशन डोज घलोक लगाए जा चुके हे।
राज्य म 18 साल ले जादा के एक करोड़ 47 लाख 85 हजार 068 नागरिक अऊ 15 ले 18 साल के दू लाख 21 हजार 982 किशोर मन ल कोरोना ले बचाव के दुनों टीका लग गे हे। ये ए दुनों वर्ग बर निरधारित टीकाकरण के लक्ष्य के 75 अऊ 14 प्रतिशत हे। दुनों आयु वर्ग म पहली अऊ दुसर, अऊ प्रिकॉशन डोज ल मिलाके प्रदेश भर म अब तक (6 फरवरी तक) कुल तीन करोड़ 59 लाख 12 हजार 416 टीका लगाए गए हे।