दिल्ली, 04, फरवरी 2020। कोरोना वायरस के कहर चीन के सिर चढ़के बोलत चीन के सरकार ह सपना म घलो नइ सोचे रहिस होही कि एक वायरस ले देश के बुनियाद हिल जाही। बात अइसे हे कि चीन अउ अमेरिका के बीच होवइया ट्रेड वार के चलत चीनी कंपनी मन काफी दबाव म हे। इही बीच कोरोना वायरस ह वोला दूसर करारा झटका दे दिस। पाछू एक महीना म चीन के शेयर बाजार म निवेशक मन के तीस लाख करोड़ रूपिया डूब गए हे।
नवा साल के शुरु ले ही चीन के शेयर बाजार म तगड़ा गिरावट के दौर जारी हे। पाछू एक महिना म चीन के शेयर बाजार नौ फीसदी ले ज्यादा लुढ़क गए हे। उहें, चीन के करेंसी युआन साल 2020 म अब तक 1.2 फीसदी कमजोर हो गए हे। चीन के केंद्रीय बैंक ह कहे हे कि वो हालात के सामना करे बर बाजार म 174 अरब डॉलर के कर्ज लेही।
गुरतुर गोठ बर दिलीप कुमार
