- रात म ही गाँव के सीमा करिन सील
- तीन किलो मीटर के परिधि कंटेनमेंट जोन घोषित
मुंगेली 22 मई 2020// मुंगेली जिला मे कोरोना वायरस संक्रमण के एक अउ मामला सामने आय हे। कुछ दिन पहले लखनऊ अउ पुणे ले विकास खण्ड लोरमी के ग्राम कुधुरताल पहुॅचे क्वारेंटाइन दो प्रवासी श्रमिक मे कोरोना पाॅजीटिव पाय गे हे। देर रात जांच रिपोर्ट मे कोरोना पाॅजीटिव होय के पुष्टि स्वास्थ्य विभाग द्वारा किये जाय ले कलेक्टर डाॅ. सर्वेश्वर नरेंद्र भुरे व्यवस्था बनाय रखे बर दल बल के साथ रात म ही क्वारेंटाइन सेंटर ग्राम कुधुुरताल पहुॅचके रात म ही गांव के सीमा ल सील कर दे गे हे । कलेक्टर डाॅ. भुरे ह कहिन् हे कि जिला के संदिग्ध मरीज के सेम्पल जांच बर भेजे जावत हे। जेमे विकास खण्ड लोरमी के ग्राम कुधुरताल के दो क्वारेंटाइन श्रमिको के जांच रिपोर्ट पाॅजीटिव पाय जाय के कारण कोरोना वायरस के संक्रमण के फैलाव ल दृष्टिगत रखत ग्राम कुधुरताल में नजर रखे हवन। ग्राम कुधुरताल स्थित शासकीय शाला ले तीन किलो मीटर के परिधि क्षेत्र ल कंटेनमेंट जोन घोषित कर दिये गे हे । एखर पुर्व दिशा मे ग्राम पथरताल, पश्चिम मे बंधवा, उत्तर मे तेलीमोहतरा अउ दक्षिण मे इंदलपुर, दयालपुर ग्राम शामिल हवय। चिन्हाकित कंटेनमेंट जोन के अंतर्गत सब्बो दुकान अउ आन दुकान मन ल आगामी आदेश पर्यन्त तक बंद रही । कंटेनमेंट जोन मे प्रभारी अधिकारी द्वारा घर पहुॅच सेवा के माध्यम ले आवश्यक वस्तु के आपूर्ति उचित दर म करे जही। सब्बो प्रकार के वाहन के आवागमन पूर्ण प्रतिबंधित रही । मेडिकल इमरजंसी ल छोड़ आन कोनों भी कारण ले घर से बाहर निकले म प्रतिबंध लगा दिये गे हे। ग्राम कुधुरताल ल आज बडे सबेरे ही सेनेटाइज करे गे हे।
मुंगेली ले दिलीप बसंत
