- पार्षद मद ले घलोक करे जाही साफ-सफाई
- मुख्यमंत्री के निर्देशन म सबो नगरीय निकाय मन म चलाए जात हेविशेष सफाई अभियान
- नगरीय प्रशासन मंत्री डॉ. डहरिया ह विभागीय अधिकारी मन ल दीन निर्देश
रायपुर, 27 मार्च 2020। प्रदेश म कोरोना वायरस के संक्रमण के रोकथाम अउ नियंत्रण बर एक बड़का निर्णय लेहे गए हे। प्रदेश के नगरीय निकाय क्षेत्र मन म काम करत स्वच्छता कमांडो के सेवा अवधि दू महिना बढ़ाए के निर्णय लेहे गए हे।
नगरीय प्रशासन अऊ श्रम मंत्री डॉ. शिव कुमार डहरिया ह ये आशय के आदेश दूरभाष के माध्यम ले विभागीय अधिकारी मन ल देहे हें। डॉ. डहरिया ह बताए हें के मुख्यमंत्री श्री भूपेश बघेल के निर्देशन म सबो नगरीय निकाय मन म ये दौरान विशेष सफाई अभियान चलाए जात हे। एखर बर प्रदेश के नगरीय निकाय क्षेत्र मन म काम करत स्वच्छता कमांडो के सेवा अवधि दू महिना बढ़ाय के निर्णय लेहे गए हे।
नगरीय प्रशासन विभाग के अधिकारी मन ह ये आदेश के परिपालन म प्रदेश के नगरीय निकाय क्षेत्र मन म काम करत स्वच्छता कमांडो के सेवा अवधि दू महिना बढ़ाय के निर्देश नगर निगम के आयुक्त, नगर पालिका परिषद अऊ नगर पंचायत मन के मुख्य नगर पालिका अधिकारी मन ल भेज देहे गए हे। जारी निर्देश म ये घलोक कहे गए हे के नगरीय निकाय मन म पार्षद मद ले घलोक साफ -सफाई करे जाही।
हम आप ल बता देवन के विश्व स्वास्थ्य संगठन कोति ले कोरोना वायरस ले संक्रमण ल महामारी घोषित करे गए हे। इही वास्ते मुख्यमंत्री श्री भूपेश बघेल कोति ले एहतियातन प्रदेश म नगरीय निकाय क्षेत्र मन म घलोक लॉकडाउन घोषित करे गए हे। उमन कोरोना वायरस के फैलाव ल रोके बर नियमित साफ-सफाई उपर विशेष बल देहे हें। इही कड़ी म नियमित साफ-सफाई बर स्वच्छता कमांडो, स्वच्छता दीदी मन संग आन नगर निगम, नगर पालिका परिषद अऊ नगर पंचायत के अधिकारी- कर्मचारी मन कोति ले विशेष अभियान चलाके सरलग साफ-सफाई करे जात हे।
