होम आइसोलेशन म रहि के बलविंदर सिंह होइस पूरा स्वस्थ

सुकमा, 01 मई 2021। होम आइसोलेशन म रहि के अऊ डॉक्टर के सलाह अऊ अपन हौसला ले सुकमा जिला के बलविन्दर सिंह ह कोविड ले जंग जीत लीस। 37 बछर के मस्तानपारा सुकमा निवासी सिंह पेशा ले मैकेनिक हे। ओ बताई के चिकित्सकीय परामर्श के संग सकारात्मक सोच अऊ मजबूत इच्छाशक्ति कोरोना के खिलाफ लड़े म सहायक होथे।
वृहद आनलाईन छत्‍तीसगढ़ी-हिन्‍दी शब्‍दकोश की कड़ी-
https://dictionary.gurturgoth.com
ओकर बताती ओ ह अपन गृह राज्य पंजाब ले 6 अपरेल के वापस लहुटिस त एक जागरुक नागरिक के फर्ज निभात कोरोना जांच करवाइस। जांच के रिपोट आवत तक ओ ह घर ले बाहिर नइ निकलिस अऊ घर के आन सदस्य मन ले घलोक उचित दूरी बना करके रखिस। 8 अपरेल के वोखर रिपोट आईस जेमां ओ ह कोरोना पॉजिटिव पाए गीस। जांच रिपोट पॉजिटिव आए म वोला थोकन घबराहट जरूर होइस फेर ओ ह आशावान रहिस के कोरोना ले जंग जीत जाही। होम आइसोलेशन म रहत वो ह स्वास्थ्य विभाग कोति ले देहे गए दवई मन के सेवन चिकित्सक मन के बताए मुताबिक करिस। संगेच प्रोटीन वाला भोजन लीस। चिकित्सक मन ह फोन के माध्यम ले रोजेच वोखर सेहत के मानिटरिंग करत रहिन। कोनो परेशानी या असमंजस के स्थिति म वो ह चिकित्सक मन ले सलाह लीन। रोजेच भिनसरहा संझा ओ ह अपन तापमान, आक्सिजन लेवल अऊ पल्स के जानकारी चिकित्सक मन ल बतावत रहिन। एखर संगेच घर के आन सदस्य मन ले दूरी बनाए रखिन। आइसोलेशन के बेरा म स्वप्रोत्साहन बर वो ह किताब पढि़स। 18 अपरेल के पूरा स्वस्थ होए म ओ ल होम आइसोलेशन ले डिस्चार्ज करे गीस।
वृहद आनलाईन छत्‍तीसगढ़ी-हिन्‍दी शब्‍दकोश की कड़ी-
https://dictionary.gurturgoth.com
बलविन्दर सिंह कथे के कोरोना ले बिल्कुल झन उेरावव, चिकित्सकीय परामर्श के संग मन ल मजबूत रखव। सकारात्मक सोच रखे ले आसानी ले कोरोना ले जंग जीते जा सकत हे। कोविड पीड़ित मरीज कहूं समय म जांच करा लेहीं, दवा शुरू कर देहीं, होम आइसोलेशन कंट्रोल रूम कोति ले बताये गए सुझाव मन के पालन करहीं अऊ सकारात्मक सोच के संग समय बिताहीं, त ओ मन ये बीमारी ल बहुत आसानी ले पराजित कर सकत हें।