दुर्ग 7 अप्रैल 2020। नगर पालिक निगम क्षेत्र म रोजेच सैनिटाइजिंग अउ फागिंग के काम करे जात हे। निगम के स्वास्थ्य विभाग के अमला सोडियम हाइपोक्लोराइट के उपयोग करके घर-घर हैंड स्प्रे के माध्यम ले अउ टैंकर के माध्यम ले कई जगा म म सैनिटाइजिंग के काम करत हें। मच्छर उन्मूलन बर व्हीकल माउंटेड मशीन अउ सघन गली मन म संझा हैंड मशीन ले फागिंग करे जात हे। कोविड-19 नोवल कोरोना वायरस के संक्रमण ल फैले ले रोके बर निगम प्रशासन आमजन ले अपील करे हे के मनखे अपन घर म ही रहंय अऊ सोशल डिस्टेंस बनाके रखंय। भिलाई निगम के स्वास्थ्य विभाग के कर्मचारी सरलग मनखे मन के घर म जाके सेनेटाइज करत हें।
मच्छर उन्मूलन बर जल जमाव वाले जगा मन म टेमिफास के छिड़काव करे जात हे। 160 घर म लगे कूलर मन म टेमीफास के उपयोग करे गीस। 25 घर के पानी टंकी के जांच करे गीस। निगम के अमला आज वार्ड 03 कोसानगर के राधा कृष्ण मंदिर के आगू गली म, मराठी मोहल्ला, जय स्तंभ चैक तीर, शीतल पूजा भंडार गली म, डा. अम्बेडकर चौक के तीर, सतनाम भवन के मीर, सुलभ शौचालय के मीर सोडियम हाइपोक्लोराइट के छिड़काव करे गीस। वार्ड 24 शारदा पारा, भैरव बस्ती, खटाल लाइन, शिव मंदिर लाइन, वार्ड 25 संतोषी पारा हुडको क्वार्टर म घलोक छिड़काव करके सैनिटाइज करे गीस अऊ टाटा लाइन, सूर्या नगर म घलोक सोडियम हाइपोक्लोराइट के छिड़काव करे गीस। निगम के स्वास्थ्य विभाग के अमला वार्ड मन म आम नागरिक मन ल घर के मीर-तखार के स्वच्छता बनाए रखे के संगें-संग मौसमी जल जनित होवइया बीमारी मन ले बचाव के उपाय घलोक बतावत हें।
डेंगू के लार्वा झन पनपय एकर बर बताए जात हे के कूलर, छत म पड़े टायर, गमला, अनुपयोगी पात्र मन म पानी जमा झन होए देवव। जनजागरूकता बर पाम्पलेट के चस्पा करे जात हे जेमां कोरोना वायरस के मद्देनजर स्वास्थ्य अउ परिवार कल्याण विभाग कोति ले जारी करे गे एडवाइजरी देहे गए हे।
