दिल्ली, 31 जनवरी 20120। चीन ले निकले क़ोरोनावायरस के कहर अब धीरे धीरे सबो दुनिया ल अपन चपेट म लेवत। अब दुनिया भर के सबो देश के लोगन मन ये वायरस के चपेट म आवत। वोखर बाद अब विश्व स्वास्थ्य संगठन याने कि (डब्ल्यू एच ओ )ह सबो दुनियाभर म मेडिकल इमरजेन्सी के एलान कर दे हवय।
चीन के बाद कोरोनावायरस के कहर अब दुनिया के 17 देश मन म पहुंच चुके हे। भारत, नेपाल, तिब्बत, कंबोडिया अउ श्रीलंका म येखर एक-एक मरीज मिल चुके हे। अइसे म विश्व स्वास्थ्य संगठन (डब्ल्यू एच ओ) ह येला देखत हुए अंतर्राष्ट्रीय आपातकाल घोषित कर दे हवय। सबो दुनिया केे डाक्टर मन ल अलर्ट रहे बर बोल दे गए हे।
हालांकि येखर पहली डब्ल्यू एच ओ ह लोगन मन ल मास्क पहने के सलाह दे रहिस । उही चीन म ये खतरनाक वायरस ले मरने वाला मन के संख्या 213 पहुंच चुके हे। भारत म भी केरल म एक मरीज ये वायरस ले पीड़ित मिले हे। जेखर बाद मेडिकल आर्गेनाइजेशन अलर्ट मोड पर आगे हे।
गुरतुरगोठ बर दिलीप कुमार
दुनिया भर म मेडिकल इमरजेन्सी के एलान, कोरोनावायरस करत हे हलाकान
