दू साल ले कम उमर के लइका मन ल खांसी के सिरप देना पूरा प्रतिबंधित

छत्तीसगढ़ के सबो जिला मन ल निर्देश जारी
औषध निर्माण इकाइ अऊ मेडिकल स्टोर्स मन म निगरानी तेज
रायपुर, भारत सरकार के स्वास्थ्य अऊ परिवार कल्याण मंत्रालय ह एक महत्वपूर्ण एडवाइजरी जारी करत स्पष्ट निर्देश देहे हें के दू साल ले कम आयु के लइका मन ल कोनो प्रकार के खांसी के सिरप या सर्दी-जुकाम के दवइ झन देहे जाए। संगे, ये दवइ आम तौर मं पाँच साल ले कम आयु के लइका मन खातिर घलोक अनुशंसित नइ हे। ये कदम नान्‍हें लइका मन ल संभावित दुष्प्रभाव ले बचाय अऊ ऊंखर स्वास्थ्य के सुरक्षा ठउका करे के उद्देश्य ले उठाए गए हे।
एडवाइजरी जारी होतेच छत्तीसगढ़ स्वास्थ्य विभाग ह लउहे कार्यवाही करत सबो जिला मन के मुख्य चिकित्सा अऊ स्वास्थ्य अधिकारी मन (CMHO) अऊ सिविल सर्जन मन ल जरूरी निर्देश जारी कर देहे हे। सबो शासकीय अऊ निजी स्वास्थ्य संस्थान मन ल निर्देशित करे गए हे के भारत सरकार के ए गाइडलाइन के सख्ती ले पालन ठउका करव।
संगेच आयुक्त स्वास्थ्य सेवाएं कोति ले ए संबंध म एक उच्चस्तरीय वीडियो कॉन्फ्रेंस आयोजित करके सबो जिलास्तरीय विभागीय अधिकारी मन ल सख्त निर्देश देहे गे हे के खांसी या सर्दी के दवइ मन के उपयोग केवल चिकित्सकीय परामर्श म आधारित होना चाही, अऊ ए संबंध म कोनो प्रकार के लापरवाही झन बरते जाय।
खांटी जानकार के मुताबिक अधिकांश मामला मन म लइका मन म खांसी-जुकाम जइसे सामान्य बीमारी मन अपने आप ठीक हो जाथे अऊ एखर बर दवा देना जरूरी नइ होवय। ते पाए के आम जनता ल घलोक डॉक्टर के सलाह के बिना लइका मन ल दवइ नइ देहे के प्रति जागरूक करे जाही।