मुख्यमंत्री श्री भूपेश बघेल ले रायपुर नगर निगम के पार्षद मन ह करिन सौजन्य मुलाकात

रायपुर, धनतेरस के शुभ अवसर म मुख्यमंत्री श्री भूपेश बघेल ले ऊंखर निवास कार्यालय म रायपुर नगर पालिक निगम के पार्षद मन ह सौजन्य मुलाकात करिन अऊ दीपावली के शुभकामना अऊ बधाई दीन। ये बेरा म संसदीय सचिव श्री विकास उपाध्याय, विधायक श्री कुलदीप सिंह जुनेजा, रायपुर नगर निगम पालिक के महापौर श्री एजाज ढेबर, सभापति श्री प्रमोद दुबे अऊ योग आयोग के अध्यक्ष श्री ज्ञानेश शर्मा घलोक मौजूद रहिन। मुख्यमंत्री ह घलोक ओ मन ल दीपावली के शुभकामना दीन अऊ सबो के कुशलक्षेम के कामना करिन।
मुख्यमंत्री ले मुलाकात करइया म पार्षदगण श्री मनीराम साहू, श्री वारेन साहू, श्री प्रकाश जगत, श्री रितेश त्रिपाठी, श्री घनश्याम, श्री सुंदर जोगी, श्री अमितेश भारद्वाज, श्रीमती निशा देवेंद्र यादव, श्री पुरुषोत्तम बेहरा संग आन पार्षद मौजूद रहिन।