दुर्ग जिला म पोषाहार खाके सुपोषित होवत हें लइका

दुर्ग, 1 मई 2020। मुख्यमंत्री सुपोषण अभियान के अंतर्गत हर आंगनबाड़ी म कुपोषित लइका मन के चिन्हारी कर के इंकर पोषण उपर विशेष ध्यान रखे जात हे। ये मां ये विशेष ध्यान देहे जात हे के लइका मन ल पौष्टिक आहार समय म देहे जाए। संगेच एखर बर अभिभावक मन के घलोक विशेष रूप ले काउंसिलिंग करे जात हे। परियोजना अधिकारी श्री जेके साव के बताती एखर बर आंगनबाड़ी कार्यकर्ता मन गृह भेंट के माध्यम ले विशेष प्रयास करत हें। श्री साव ह एकर उदाहरण देवत बताइस के मुख्यमंत्री सुपोषण अभियान अन्तर्गत परिक्षेत्र सिकोला के ग्राम तुलसी के आंगनबाड़ी केन्द्र तुलसी 03 म निशा नाम के एक नोनी के नाम दर्ज हे। निशा के माता के नाम कुंती अउ पिता के नाम संतोष हे। जेकर जन्मतिथि 26 सितंबर 2015 हे। ये नोनी मध्यम कुपोषित के अवस्था म योजना म पंजीकृत करे गीस। सितंबर महिना म निशा के वजन 12.09 अउ उंचाई 99 से.मी. रहिस। ये ह नियमित रूप से आंगनबाड़ी आत रहिस, उहां पोषण आहार म नाश्ता, गर्म भोजन के सेवन लगातार करत रहिस अऊ संग म अकतहा मूंगफली, सोया चिक्की, फल के घलोक लाभ लेवत रहिस। समय-समय म कार्यकर्ता मन गृह भ्रमण म पालक मन ल समझाईश देवत रहिन। पालक बैठक चर्चा म निशा के पालक मन ले चर्चा करे जात रहिस अऊ बाहिर के आहार ल बंद करके घर के बने पौष्टिक खाना खवाए के सलाह देहे गीस। कुपोषित बच्ची ल सरलग फल, सब्जी अऊ दूध, रेडी टू फूड ले बने व्यंजन खवाए के बात पालक मन ल बताए गीस। जेखर से पालक मन के व्यवहार बदलाव होए लगिस। बच्ची ह घर म संझा के खाना घलोक शुरू करिस फलस्वरूप बच्ची के सेहत म सुधार आइस। वो ह पौष्टिक लडडू के सेवन घलोक चालू करिस अउ जनवरी महिना म वोकर वजन 13.450 कि.ग्रा. हो गीस। ए प्रकार से अब निशा हाल म सामान्य श्रेणी म आ गीस।