- आबकारी विभाग ह जारी करिस आदेश
रायपुर, 31 मार्च 2020। छत्तीसगढ़ शासन कोति ले नोवल कोरोना वायरस (कोविड-19) के संक्रमण ले आमजन ल सुरक्षित रखे के उद्देश्य ले राज्य के सबो देशी-विदेशी दारू दुकान, छत्तीसगढ़ स्टेट बेवरेजेस कॉरपोरेशन के रायपुर, बिलासपुर स्थित गोदाम मन के संग सबो जिला मन म स्थित देशी मदिरा के मद्य भण्डार ल 7 अप्रेल तक बंद करे के निर्णय लेहे गए हे। संगेच प्रदेश के सबो रेस्टोरेंट- होटल बार अऊ जम्मो एफ. एल. 4/4 क क्लब ल घलोक 7 अप्रेल तक बंद रखे के आदेश जारी करे गए हे। पहिली येकर बर 31 मार्च तक बंद रखे के आदेश जारी करे गए रहिस। जऊन ल बढ़ाके अब 7 अप्रेल कर देहे गए हे।
वाणिज्यिक कर (आबकारी) विभाग कोति ले मंत्रालय महानदी भवन ले ये संबंध म आदेश जारी कर दे गए हे। राज्य शासन कोति ले सबो जिला कलेक्टर मन ल ये आदेश के कड़ाई ले पालन करे के निर्देश देहे गए हे।
