कवर्धा, 24 मई 2021 सम्मर। कोविड-19 संक्रमण ले अनाथ बेसहारा होए लइका अउ जेकर दाई—ददा कोविड-19 ले संक्रमित हे या अस्पताल म हे अउ लइका मन के देखरेख करे म असमर्थ हे जेन मन आसरा के आवश्यकता हे उन मन ल बाल कल्याण समिति म प्रस्तुत करके समिति के निर्णय अनुसार समे बर बाल देखरेख संस्था म आश्रय देके उचित संरक्षण प्रदान करे जाही।
कलेक्टर श्री रमेश कुमार शर्मा के बताती कोविड-19 संक्रमण ले प्रभावित लइका अउ, अभिभावक जेन मन ल परामर्श के आवश्यकता हे वो किशोर न्याय (बालकों की देखरेख एवं संरक्षण) अधिनियम 2015 के धारा 27 के तहत गठित प्रथम श्रेणी न्यायिक मजिस्ट्रेट के नियाव पीठ के रूप में स्थापित बाल कल्याण समिति जिला कबीरधाम के समक्ष प्रस्तुत करके आश्रय दिए जाही। बाल कल्याण समिति के कार्यालय बाल गृह परिसर जोराताल म संचालित हे। अइसन लइका मिले म तुरते श्रीमती अंजना तिवारी अध्यक्ष बाल कल्याण समिति मो. 9752240991, श्री राजेन्द्र कुमार बारले 7067050683, श्री विश्वनाथ साहू सदस्य बाल कल्याण समिति, श्री विष्णु सिंह चंद्रवंशी सदस्य मो. 7898471415, श्रीमती इरसाद बेगम मो.8819913030 अउ टोल फ्री चाईल्ड हेल्प लाईन नंबर 1098 (दस नौ आठ) म सूचित कर सकत हे।
कोविड-19 ले अनाथ अउ बेसहारा होए लइका मन ल महिला अउ बाल विकास विभाग म मिलही आसरा
