रइपुर 10 अप्रैल 2021 शनिच्चर।
मुख्यमंत्री दाउ भूपेश बघेल के दिशानिर्देश म राज्य म कोविड-19 के रोकथाम बर ग्राम पंचायत स्तर म क्वारेन्टाइन सेंटर करे स्थापना करे जाही। पंचायत एवं ग्रामीण विकास विभाग छत्तीसगढ़ डाहर ले आज कोविड-19 के रोकथाम बर ग्राम पंचायत स्तर म क्वारेन्टाइन सेंटर के स्थापना के सम्बंध म दिशानिर्देश जारी करे गे हे । सचिव पंचायत एवं ग्रामीण विकास विभाग कोति ले जम्मो कलेक्टर अउ जिला पंचायत के मुख्य कार्यपालन अधिकारी मन ल ये सम्बंध म दिशानिर्देश जारी करे गे हे।
दिशानिर्देश में उल्लेख हवय कि कोरोना संक्रमण ल रोके बर बाहिर ले गांव म अवइया मनखे मन बर पहिली सहीन एहू समे क्वारेंटाईन सेंटर स्थापित करे जाना हे। ये क्वारेंटाईन सेंटर संबंधित जिला के ग्राम पंचायत म गांव के बाहिर म रखे जाना हे ।
क्वारेंटाईन सेंटर के निगरानी बर स्थानीय परिस्थिति अनुसार ग्राम के स्व-सहायता समूह, युवा समिति, रामायण भजन मंडली अउ कोविड-19 बर गठित निगरानी समिति अउ आने स्थानीय समिति के सहयोग लिए जाही।
क्वारेंटाईन सेंटर म रूकइया मनखे मन बर सेनेटाईजर बॉटल, फिनाईल, डस्टबिन,
झाडू, बाल्टी, गद्दा, दरी, नहाए अउ कपड़ा धोए के साबुन, आदि आवश्यक सामाग्री उपलब्ध कराय जाावय । क्वारेंटाईन सेंटर बर मास्क, सेनेटाईजर, साबुन, दोना, पत्तल जइसन वस्तु मन ल जिला के स्थानीय स्व-सहायता समूह ले क्रय करे जावय।
आइसोलेशन सेंटर के संचालन बर स्वास्थ्य विभाग कोति ले समय समय म निर्देश जारी करे गे हवय वो निर्देश मन के कड़ई ले पालन सुनिश्चित करे के निर्देश देहे गे हे।
