दुर्ग, 12 सितम्बर 2020। दुर्ग कलेक्टर डॉ. सर्वेश्वर नरेंद्र भुरे ह नोडल अधिकारी मन ले कहिन के अभी हाल के बेरा ह बिक्टट कठिन हे। उमन कहिन के अपन जिम्मेदारी के संग सामाजिक उत्तरदायित्व के घलव महती जरूरत हे। कोनो भी आम जनता मदद बर फोन कर सकत हें। अइसन म सबो अधिकारी मानवीय संवेदना के परिचय देवत सहृदयता पूर्वक कोनो भी अनजान नंबर ल घलोक अनिवार्य रूप ले रिसीव करव। कोनो भी समय अनजान नंबर म फोन काॅल आए म सहजता पूर्वक सामने वाले के बात ल सुनव अऊ जरूरी मदद करव। कोनो अनजान नंबर रिसीव करे म कहूँ कोनो पीड़ित ल लाभ पहुंचत हे, त एखर ले जादा अऊ कोनो पुण्य के या मनखे मन के बेहतरी के काम नइ हो सकय।
नोडल अधिकारी मन के नाम अउर फोन नंबर
कोरोना के नियंत्रण अऊ उपचार बर 8 निजी अस्पताल मन ल कोविड अस्पताल बनाय गए हे। जेकर देखरेख बर नोडल अधिकारी मन के नियुक्ति करे गए हे। एमां बी.एस.आर. स्पेशिलिटी हास्पिटल जुनवानी बर खनिज अधिकारी किशोर गोलघाटे ल नोडल अधिकारी नियुक्त करे गए हे जिंकर मोबाइल नं. 9111710000 हे। अइसनहे मित्तल हास्पिटल जुनवानी बर उपसंचालक उद्यानिकी श्री सुरेश ठाकुर, मोबाइल नंबर 9425597714, आईएमआई हाॅस्पीटल खुर्सीपार बर उपसंचालक समाज कल्याण दोनर सिंह ठाकुर मोबाइल नंबर 7587842145, 8319215269 ल नियुक्त करे गए हे। अइसनहे वर्धमान हास्पिटल स्टेशन रोड दुर्ग बर सहायक आयुक्त आदिवासी विकास श्रीमती प्रियंवदा रामटके मोबाइल नंबर 7898791489, 7999030059 ल, बी.एम.शाह हास्पिटल सुपेला बर महिला बाल विकास जिला कार्यक्रम अधिकारी श्री विपिन जैन मोबाइल नंबर 6262470000 ल, स्पर्श मल्टीस्पेशिलिटी सुपेला बर जिला योजना अधिकारी श्री डी.एस. वर्मा मोबाइल नंबर 9755986280 ल, स्टील सिटी हाॅस्पिटल आदर्श नगर दुर्ग बर रोजगार अधिकारी श्री आर.के. कुर्रे मोबाइल नंबर 9407610778, 9131235525 ल अऊ एस.आर. हाॅस्पिटल चिखली बर जिला विपणन अधिकारी सचिन भौमिक मोबाइल नंबर 9907802233 ल नोडल अधिकारी नियुक्त करे गए हे।
