नवपदस्थ कलेक्टर श्री एल्मा ह कार्यभार सम्हालत ही सौ बिस्तर वाले कोविड-19 हाॅस्पिटल के करिन आकस्मिक निरीक्षण
मुंगेली 28 मई 2020// जिला मे नवपदस्थ कलेक्टर श्री पी.एस. एल्मा ह आज कार्यभार सम्हालत ही सौ बिस्तर वाले कोविड-19 हाॅस्पिटल के आकस्मिक निरीक्षण करिन । जिला मे कोविड-19 के संक्रमण ल नियंत्रित करे के संबंध म करे कार्य केे जानकारी प्राप्त करिन। ओमन कहींन कि कोरोना वायरस के संक्रमण ल नियंत्रित करेे के काम समय म सर्वाधिक प्राथमिकता महत्वपूर्ण कार्य हे अउ ये कार्य मे संबंधित सभी अधिकारी-कर्मचारि केे महत्वपूर्ण भूमिका हावय। कलेक्टर श्री एल्मा ह सौ बिस्तर वाले कोविड-19 हाॅस्पिटल केे निरीक्षण के दौरान कोविड-19 गहन चिकित्सा इकाई , पोषण पुनर्वास केन्द्र , आईसोलेशन कक्ष, सहित अंतःरोगी कक्ष ,बाह्य रोगी कक्ष , शिशु रोग विभाग, महिला पुरूष वाड के अवलोकन करिन अउ संबंधित ल आवश्यक निर्देश दिन। कोविड-19 रैपिड टेस्ट कीट, एन-95 मास्क पी.पी.ई.कीट आदि केे उपलब्धता के संबंध मे जानकारी लीन । नवपदस्थ कलेक्टर श्री एल्मा ह जिला चिकित्सालय के अवलोकन करकेे मरीज बर उपलब्ध स्वास्थ्य सुविधा अउ दवाई के उपलब्धता आदि के बारे मे जानकारी प्राप्त करिन । जिला पंचायत के मुख्य कार्य पालन अधिकारी श्रीमति नुपूर राशि पन्ना , मुख्य चिकित्सा एवं स्वास्थ्य अधिकारी महादेव तेंदवे, सिविल सर्जन सह मुख्य अस्पताल अधीक्षक डाॅ. भू-आर्य , जिला कार्यक्रम प्रबंधक श्री उत्कर्ष तिवारी घलो मौजूद रहिंन।
श्री एल्मा ह कार्यभार सम्हालत ही करिन सौ बिस्तर कोविड-19 हाॅस्पिटल के आकस्मिक निरीक्षण
