धमतरी 28 अप्रैल 2021 बुधवार। नोवेल कोरोना वायरस कोविड-19 के बाढ़त संक्रमण ल देखत कलेक्टर अउ जिला दण्डाधिकारी श्री जयप्रकाश मौर्य के निर्देशानुसार लोगन मन म बगरे भ्ररम मन ल दूरिहा करके जागरूकता लाने बर अउ एकर बर सकारात्मक जनमत तियार करे बर आज बिहिनिया 11.30 बजे कलेक्टोरेट सभाकक्ष म मास्टर ट्रेनर मन ल प्रशिक्षण देहे गइस । जेमा कलेक्टर कोति ले अनौपचारिक साक्षात्कार म दिए वक्तव्य मन वीडियो फुटेज देखाए गे हवय।
वीडियो के माध्यम ले कलेक्टर डाहर ले कोरोना संक्रमण ले बाचे के उपाय अउ जनता ले अपील, टीकाकरण ले लाभ, रेमडेसिविर इंजेक्शन संबंधी जानकारी, शासकीय अस्पताल मन म उपलब्ध सुविधा अउ संसाधन मन के बारे म बताए गे हावय। एकर छोड़ युवा वर्ग मन ले सतर्कता के अपील, जिला म स्थापित आइसोलेशन सेंटर म शासन के गाइड लाइन के अनुरूप कोविड ले बाचे के अनुकूल बेवहार, जनजागरूकता अभियान म समुदाय के भूमिका, लक्षणात्मक मरीज मन बर मितानिन मन के माध्यम ले बांटे जावत दवई, लक्षण मिले म तुरते जांच कराए के अपील, लाॅकडाउन के लाभ संग कोविड-19 ले जुड़े अउ आने समस्या अउ उन्कर समाधान उपर कलेक्टर कोति ले जानकारी देहे गईन।
इहां ले प्रशिक्षण लेके मास्टर ट्रेनर मन विकासखण्ड स्तर म, तेकर पीछू ग्ंवई स्तर म जाके टीकाकरण के प्रचार-प्रसार करके जनजागरूकता लाने के उदीम करही । एमटी प्रशिक्षण कार्यक्रम म 24 झिन मास्टर ट्रेनर मन हिस्सा लीन।