बलरामपुर 19 अप्रैल 2021 सम्मार । अनुविभागीय दण्डाधिकारी रामानुजगंज ले होय जानबा के अनुसार जनपद पंचायत के मुख्य कार्यपालन अधिकारी कोति ले प्रवास के बेरा ग्राम पंचायत चुमरा के सचिव श्री रामगहन गुप्ता अउ ग्राम पंचायत रामचन्द्रपुर के सचिव श्री बालदेव यादव मुख्यालय म नइ रिहिसे अउ फोन लगाए म फोन नइ उठाइन । इन मन कोविड-19 टीकाकरण म सहयोग अउ ग्राम पंचायत स्तर म कोरोना वायरस ले बचाव के उपाय मन के तको प्रचार-प्रसार नइ करत हे । पंचायत सचिव रामगहन गुप्ता अउ बालदेव यादव के अइसनहा बूता ह कार्य के प्रति घोर लापरवाही अउ उदासीनता हरे, जउन छत्तीसगढ़ पंचायत सेवा नियम 1998 के नियम (1) (2) (3) के उलट कदाचार म आथे । अपर कलेक्टर अउ जिला पंचायत के प्रभारी मुख्य कार्यपालन अधिकारी श्री विजय कुमार कुजूर ह छत्तीसगढ़ पंचायत सेवा अनुशासन तथा अपील नियम 1999 के नियम 4 के तहत पंचायत सचिव रामगहन गुप्ता व बालदेव यादव ल उन्कर ये कृत्य बर तुरते प्रभाव ले निलंबित करके उन्कर मुख्यालय जनपद पंचायत रामचन्द्रपुर नियत करे गे हे। निलंबन अवधि म उन ल नियमानुसार जीवन निर्वाह भत्ता मिलत रहिही ।
कोविड-19 टीकाकरण म असहयोग दू झिन पंचायत सचिव निलंबित
