स्वास्थ्य अधोसंरचना मजबूत करे म कोनो कमी नइ करन : मुख्यमंत्री दाउ भूपेश बघेल
रइपुर 17 जून 2021 बिरस्पत। कोविड के संभावित तीसरइया लहर ले पहिली छत्तीसगढ़ ह गांव मन ले लेके शहर तक सरकारी अस्पताल मन ल पोठ बनाए अउ उन ल जम्मो सुविधा ले पोठ करे बर कनिहा कस लेहे हवय। मुख्यमंत्री दाउ भूपेश बघेल ह कहीन कि स्वास्थ्य अधोसरंचना ल पोठ बनाए अउ छत्तीसगढ़ के दूरदराज के इलाक़ा मन तक सर्वसुविधायुक्त उपचार बेवस्था बनाए म कोनो कमी नई छोड़े जाय।
कोरोना के दूसरइया लहर के बेरा के अनुभव ल देखत छत्तीसगढ़ शासन ह गांव से लेके जिला मुख्यालय तक सरकारी अस्पताल मन म बेवस्था मन ल पोठ करे के बूता शुरु कर दिए हे । प्रदेश के सबो जिला चिकित्सालय अउ विकासखण्ड स्तरीय अस्पताल मन ल सर्वसुविधायुक्त बनाए बर जिला कलेक्टर मन ल 15 दिन म कार्य-योजना बनाए तियार करके प्रस्तुत करे बर कहे हवय । स्वास्थ्य अधोसंरचना ल पोठ करे के बूता ल सबले अव्वल प्राथमिकता संग करना हे,जेकर ले कहूं तीसरइया लहर के स्थिति बनही तभो ओकर ले पूरा ताकत के साथ निपटे जा सकै।