कोरोना जांच, इलाज, दवई, आइसोलेशन, ऑक्सीजन, आईसीयू, वेंटीलेटर बेड अउ जीवन रक्षक उपकरण के व्यवस्था के करे गईस जांच परख
कल 10 अप्रैल के अस्पताल मन म मॉकड्रिल करे गईस अउ आज 11 अप्रैल के घलो होही अस्पताल मन म मॉकड्रिल
रायपुर, नेहा राठौर के खबर/कोरोना संक्रमण के बाढ़त मामला ल देखके स्वास्थ्य विभाग के निर्देश म प्रदेश के जम्मो मेडिकल कॉलेज अस्पताल, जिला चिकित्सालय, सामुदायिक स्वास्थ्य केन्द्र अउ प्राथमिक स्वास्थ्य केन्द्र मन म एकर इलाज अउ आपात स्थिति ले निपटे के तियारी ल परखे ब मॉकड्रिल करे जाथ हे।
केंद्रीय स्वास्थ्य अउ परिवार कल्याण मंत्रालय ह कोविड-19 के बाढ़त मामला ल देखके सब्बो राज्य अउ केंद्रशासित प्रदेश मन ल कोरोना के नियंत्रण के तियारी ल देखे परखे ब 10 अप्रैल अउ 11 अप्रैल के मॉकड्रिल के निर्देश दिए रहिस हे। संक्रमण बाढ़े के स्थिति म स्वास्थ्य सुविधा के पर्याप्त उपलब्धता, प्रशिक्षित स्वास्थ्य पेशेवर, स्वास्थ्य कर्मी, एंबुलेंस, परीक्षण उपकरण, मानव संसाधन अउ कुछु कुछु के इंतजाम मन के परीक्षण करे ब कहे रहिस हे।
मॉकड्रिल के बेरा म सरकारी अस्पताल मन म इलाज सेवा सुविधा के सब तियारी के जांच परख,हरेक जिला म क्षेत्रवार स्वास्थ्य केन्द्र अउ कोविड-19 के मरीज मन ब बिस्तर के उपलब्धता, संगे म आइसोलेशन, ऑक्सीजन, आईसीयू अउ वेंटीलेटर बेड के व्यवस्था ल घलो जांच करे जाही। अस्पताल मन ल जीवन रक्षक औषधी अउ उपकरण के इंतजाम करे के संग अउ सब सुविधा मन ल घलो दुरुस्त करे ब कहत हे।
