बेंवारस (बंदेलिन) पशुधन बर गौवंश अभ्यारण्य बनाए के योजना
रायपुर, 26 मई 2024। गृहमंत्री विजय शर्मा ह गौवंश अभ्यारण्य योजना के घोषणा म मुख्यमंत्री साय के आभार जताए हें। सोसल मीडिया एक्स हैंडल म उमन लिखे हें के, ये बतात मोला बिकट खुसी होवत हे के विष्णुदेव सरकार गौवंश के सुरक्षा, देखभाल अऊ सड़क म घूमइया गौवंश के सुरक्षा बर गौवंश अभ्यारण बनाही। एखर से खच्चित सड़क म भूखे-प्यासे भटकइया गौवंश ल सरलग दाना-पानी, देखभाल अऊ चिकित्सकीय सुविधा मिलही अउ दुर्घटना म घलोक लगाम लगही।
गौवंश अभ्यारण्य योजना उपर मुख्यमंत्री विष्णु देव साय ह कहे हें कि ठोस कार्ययोजना के माध्यम ले भ्रष्टाचार मुक्त, सेवा, सुरक्षा अऊ संवर्धन के ध्येय वाक्य ले के प्रदेश म बेंवारस (बंदेलिन) पशुधन बर गौवंश अभ्यारण्य बनाए के निर्देश अधिकारी मन ल देहे गए हे। प्रस्तावित योजना लागू होए म न केवल सड़क मन म भूखे-प्यासे भटकइया गौवंश मन ल सरलग दाना-पानी, देखभाल अऊ चिकित्सकीय सुविधा मिलही।
