रायपुर ,29 अगस्त 2020। प्रदेश म जल्दी छत्तीसगढ़ी प्रीमियम लीग शुरू करे जाही। एकर बर 28 जिला म टायल कराए गे हे। अभी छत्तीसगढ़ के पास 3200 क्रिकेटर हे, हर जिला म 30 खिलाड़ी के चयन करे गे हे। ये बात ल प्रदेश कांग्रेस मुख्यालय राजीव भवन रायपुर म कांग्रेस नेता मन कहिन। राष्ट्रीय खेल दिवस बर आज छत्तीसगढ़ के सम्पूर्ण खेल जगत ल प्रोत्साहित करे के उद्देश्य ले ‘कांग्रेस खेल प्रतिभा सम्मान’ समारोह के आयोजन करे गिन। इही मउका म पूर्व भारतीय क्रिकेटर राजेश चौहान के सम्मान करे गिस। चौहान ल महात्मा गांधी लाइफ टाइम स्पोर्ट्स अचीवमेंट अवार्ड ले सम्मानित करे गिस। ये समारोह म महिला आयोग के अध्यक्ष किरणमयी नायक, संसदीय सचिव विनोद चंद्राकर मौजूद रिहिस हे.
बतादन कि खेल समारोह के आयोजन प्रदेश के सबो जिला कांग्रेस मुख्यालय म करे गए हे। कांग्रेस के शहीद दिवंगत के स्मृति म ये साल 3,500 ले जादा मेडलिस्ट खिलाड़ी प्रशिक्षक, निर्णायक, खेल पत्रकार, खेल अउ खिलाड़ी मन ल बढ़ावा देवइया मन ल सम्मानित करे गिस। कोरोना संक्रमण के कारण ले कम खिलाड़ी मन ल आमंत्रित करे गे रिहिन। कई खिलाड़ी ल ऑनलाइन प्रमाण-पत्र भेजे रिहिन।
