नशा म धुत्त होके नगर निगम के ड्राइवर ह मचाइस उत्पाद, लोगन ह जमके धुनाई करिन

रायपुर, 11 अक्टूबर 2020। प्रदेश के राजधानी रायपुर म नगर निगम के एक ड्राइवर ह शनिवार के नशा के हालत म जमके उत्पाद मचाये हे। धुत्त ड्राइवर ह सड़क म खड़े कतनो वाहन मन ऊपर ट्रक चढ़ा दीस। जेखर बाद ट्रक एक एक्टिवा ल टक्कर मारत हुए नाली म जा घुसीस अउ रुक गे।

जानकारी के अनुसार, नगर निगम जोन क्रमांक-1 के ड्राइवर शनिवार के शराब के नशा म खमतराई थाना क्षेत्र के सरस्वती नगर म घुस आइस। ओ मन उहां खड़े बाइक अउ एक्टिवा ऊपर ट्रक चढ़ा दीस। ये दौरान उहां खड़े दू महिला अउ बच्ची बाल-बाल बचगे। ट्रक एक दुकान के पास एक्टिवा ल टक्कर मारत हुए नाली म जा घुसीस अउ रुक गे। एखर बाद लोगन ह ट्रक ल घेर लिस अउ चालक ल नीचे घसीट लाइस। एखर बाद ओखर जमके धुनाई करिन। लोगन के गुस्सा अतने म शांत नई होइस त ओ मन ट्रक म घलो तोड़फोड़ कर दीन।