दुर्ग, 18 दिसम्बर 2020। जिला म ऊर्जा संरक्षण हफ्ता 2020 के तहत् जिला स्तरीय चित्रकला अऊ स्लोगन प्रतियोगिता के आयोजन करे जात हे। ये प्रतियोगिता के विसय ‘‘ऊर्जा संरक्षण अऊ ऊर्जा दक्षता‘‘ हे। ये कार्यक्रम जिला शिक्षा अधिकारी कार्यालय दुर्ग के सहयोग ले जिला के निजी अऊ शासकीय स्कूल मन म ऑनलाइन (व्हाट्सअप/ईमेल) चित्रकारी अऊ स्लोगन प्रतियोगिता के आयोजन होना हे, येकर बर जिला शिक्षा अधिकारी कार्यालय दुर्ग ह स्कूल मन ल हुकुम जारी करे जात हे। ये प्रतियोगिता म जिला स्तर म पहिला, दूसरा अऊ तीसरा स्थान म अवइया छात्र-छात्रा मन ल पुरस्कार अऊ प्रमाण पत्र देहे जाही। येमा ग्रुप- “ए“ कक्षा 5वीं ले 8वीं बर अऊ ग्रुप- “बी“ कक्षा 9वीं ले 12वीं बर हे।
प्रतियोगिता म चित्रकला बर ग्रुप- ए अऊ ग्रुप बी बर पहला पुरस्कार 5 हजार रुपिया, दूसरा पुरस्कार 3 हजार रुपिया, तीसरा पुरस्कार 2 हजार रुपिया अऊ स्लोगन बर ग्रुप- ए अऊ ग्रुप बी बर पहिला पुरस्कार 3 हजार रुपिया, दूसर पुरस्कार 2 हजार रुपिया, तीसरा पुरस्कार 1 हजार रुपिया निरधारित करे गए हे।
जऊन छात्र-छात्रा मन एमा भाग लेना चाहत हें ते मन अपन स्कूल, जिला शिक्षा अधिकारी कार्यालय दुर्ग अऊ क्रेडा कार्यालय दुर्ग ले संपर्क करके जानकारी ले सकत हें। चित्रकारी प्रतियोगिता म भाग लेनवइया छात्र-छात्रा मन ल ए3/ए4 आकार के शीट म प्रतियोगिता के विसय उपर आधारित अपन कल्पना ल चित्रित करना अनिवार्य होही। छात्र-छात्रा मन ल चित्रकला सामान जइसे -पेंसिल, रंगीन पेंसिल, क्रेयान, ऑयल पेस्टल्स या पानी के रंग के उपयोग करना होही। शीट के आखरी म छात्र-छात्रा मन अपन नाम, कक्षा अऊ स्कूल के नाम लिखना जरूरी होही। स्लोगन प्रतियोगिता म भाग लेहे बर प्रतियोगिता के विसय उपर आधारित एक या दू स्लोगन स्कैच पेन ले लिख अपन नाम, कक्षा अऊ स्कूल के नाम लिखना जरूरी होही। ये प्रतियोगता के मुख्य उद्देश्य लइका मन अऊ अभिभावक मन ल उर्जा संरक्षण के प्रति जागरूक करना हे।
ऊर्जा सरंक्षण हफ्ता बर सेल्फी ई-प्रतियोगिता 20 दिसम्बर तक-
छत्तीसगढ़ राज्य अक्षय उर्जा विकास अभिकरण (क्रेडा) ह ऊर्जा संरक्षण के बर अपन महत्वपूर्ण योगदान ल प्रदर्शित करे बर 14 दिसम्बर ले 20 दिसम्बर 2020 तक सेल्फी ई-प्रतियोगिता के आयोजन तको करे जात हे। प्रतियोगिता म भाग लेहे बर छत्तीसगढ़ के निवासी फेसबुक यूजर्स अपन रजिस्ट्रेशन 20 दिसम्बर तक करा सकत हें। प्रतियोगिता म भाग लेहे बर कोनो शुल्क नइ हे। पहिली श्रेष्ठ पोस्ट करइया 200 भाग लेवईया मन ल 500 रुपए के पुरुस्कार देहे जाही। प्रतियोगिता के नियम अऊ शर्ते के मुताबिक पोस्ट ही ह मान्य होही। रजिस्ट्रेशन बर क्रेडा के फेसबुक पेज क्रेडा म देहे गए एनर्जी कंजर्वेशन कांटेस्ट -2020 कड़ी म क्लीक करके अपन विवरण अंकित करना होही। क्रेडा के फेसबुक पेज के कड़ी https://www-facebook-com/credaonfb हे।
