बिलासपुर, चकरभाठा कोति के एक 28 साल के लड़ी ल साग पऊले के बहाना बला के ओकर कका ह करिस छेड़छाड़। पीड़ित ह एकर विरोध करिस त ओला कुरिया म बंद करके मारे के धमकी देहे गीस। लड़की ह कोनो किसिम ले ओखर चंगुल ले छूटके भागिस अऊ अपन परिवार वाले मन ल बताईस। एखर बाद घटना के शिकायत चकरभाठा थाना म करे गीस।
पुलिस ह जुर्म दर्ज करके मामला के जांच करत हे। घटना सनिच्चर के बताए जात हे। चकरभाठा तीर रहइया युवती सनिच्चर के संझा किराना सामान लेहे बर तीरेच के दुकान गीस। वापस आत खानी ओखर रिश्ता के कका ह साग ल पऊले दे नोनी कहि के अपन घर म बलाइस। लड़की ल पता रहिस के ओखर काकी अऊ लइका मन गांव गए हें, तेकर सेती मदद करे खातिर वोकर घर म गीस। लड़की ह रंधनी म साग काटत रहिस तभे वोकर कका कुरिया के फईरका बंद कर के अपन भतीजी ले छेड़छाड़ शुरू कर दीस। एकर विरोध करे म ओ ह लड़की ल धमकी दीस। लड़ी ओखर चंगुल ले छूटके अपन घर भाग गए। ये बात के सिकायत चकरभाठा थाने म करे गए हे। पुलिस जुर्म दर्ज करके आरोपित के तलाश करत हे।
चकरभाठा म कका ह भतीजी ल साग पऊले के बहाना बला के करिस छेड़खानी
