नक्सल प्रभावित इलाका म सीआरपीएफ ह हॉस्पिटल के माध्यम ले ग्रामीण मन म बाटिस दवाई

धमतरी, 18 जून 2020। कोरोना संक्रमण म रोकथाम बर बोरई सीआरपीएफ डहर ले लगातार सुघ्घर प्रयास करे जावत हे. सम्पूर्ण लॉक डाउन के घोषणा होय ले लेके अब तक लोग मन के बीच लगातार अपील करे जावत हे कि कोरोना संक्रमण ल फैले ले कइसे रोके जा सकत हे. पूर्व म घलो कमाण्डेन्ट अमीरुल हसन अंसारी के मार्गदर्शन म जन कल्याण कार्यक्रम के तहत नक्सल प्रभावित इलाका के ग्रामीण मन म मास्क, सैनीटाइजर समेत अन्य राहत सामग्री वितरण करे जा चुके हे. उहँचे आज बोरई पी एच सी के माध्यम ले लोग मन म जरुरी दवाइ मन ल बाटे गिस. अउ अपील घलो करे गिस कि मास्क, सैनीटाइजर के उपयोग करे अउ बेरा-बेरा म हाथ धोवत रहे. संग ही सामाजिक दूरी बनाये रखे अउ बिना कोनो ठोस कारण के घर ले बाहर न निकले घर म रह के सुरक्षित रहे. सीआरपीएफ के ये सराहनीय पहल के इलाका म खूब सराहना होवत हे. उहँचे सरपंच ह कहिन कि सीआरपीएफ के लोग मन के हम इलाका के ग्रामीण मन ल लगातार सहयोग मिलत रहे हे. कोरोनो संकट काल अउ लॉक डाउन म संक्रमण ले बचे बर उंखर द्वारा बेहतर ले बेहतर प्रयास करे जावत हे. उंखर ये पहल काफी सराहनीय हे. ये मौका म बोरई सीआरपीएफ कैम्प के सहायक कमांडेंट योगेश कुमार सहित स्टाफ, सरपंच किरण भोयर समेत डॉक्टर संजू साहू समेत स्टाफ मौजूद रहिस.