कोरबा, 14 दिसम्बर 2020। ग्राम पंचायत हरदेवा के घुटरा पारा म हाथी ह एक ग्रामीण ल कुचल दीस. सियान के मउका म ही मउत होगे। घटना ले आक्रोशित ग्रामीण मन ह वन विभाग के खिलाफ जमके नारेबाजी करिन अऊ सरकारी सहायता राशि लेहे ले मना कर दीस। दरअसल, हरदेवा के बुधराम सिंह पिता हुबलाल गोंड (62 बछर) अपन घर म भोजन करके सोवत रिहिस, तभे अचानक रात करीब डेढ़ बजे गांव म दू दंतैल हाथी घुसगे। अकेला झोपड़ी म सोवत सियान के ऊपर सूंड ले पकड़ के पटक दीस। ओखर अंग ल क्षत-विक्षत कर दीस, जेखर ले ओखर मउका म ही दर्दनाक मउत होगे।
हाथी ह घर म सोवत सियान ल कुचलिस, मउका म ही मउत
