ग्राफ्टेड भांटा के खेती ले किसान सुरेन्द्र ल होईस 2.39 लाख रूपिया के शुद्ध मुनाफा

रायपुर, परंपरागत किसानी के संग कहूं किसान आधुनिक कृषि तकनीक अउ उन्नत किसम ल अपनावय, त कम रकबा म घलो उत्पादन अउ आमदनी ल बढ़ाए जा सकथे। अइसनहे उद्यानिकी फसल ल अपनाए के बाद ग्राफ्टेड भांटा के खेती ह किसान सुरेन्द्र बर बढ़िया उत्पादन अउ उपराहा आय के जरिया बनिस।
किसान श्री सुरेन्द्र बताथे के कृषि के उन्नत तकनीक ल अपनाए अउ नवा पद्धति के जानकारी पाए बर वो ह उद्यानिकी विभाग के अधिकारी मन के संपर्क म रहिथे। जेकर माध्यम से ओ ल राष्ट्रीय कृषि विकास योजना के तहत बछर 2025-26 म ग्राफ्टेड भांटा फसल बर 30 हजार रूपिया के अनुदान मिलिस। ओ बताथे के ग्राफ्टेड भांटा के खेती ले ओ ल कुल 144 कुंटल भांटा के उत्पादन मिलिस। उपजाए भांटा ल बजार भाव म बेचे ले ओ ल 2 लाख 39 हजार रूपिया के शुद्ध लाभ मिलिस। उत्पादन अउ बजार भाव ह किसान सुरेन्द्र ल परंपरागत खेती के तुलना म बेहतर आर्थिक नतीजा दीस। एकर ले दूसर किसान घलो उन्नत तकनीक अपनाके परंपरागत खेती ले आगू बढ़े अउ अपन आमदनी बढ़ाए बर प्रेरित होत हें।