ऑयल पाम के खेती ले किसान मन के जीवन म आही खुशहाली: प्रभारी मंत्री श्री श्याम बिहारी जायसवाल

स्वास्थ्य मंत्री ह ऑयल पाम के पौधा रोप के किसान मन ल बताइन एखर फायदा
गौरेला पेंड्रा मरवाही, ऑयल पाम के खेती ले किसान मन ल कम मेहनत अऊ कम लागत म जादा मुनाफा होही। एखर से उंखर आर्थिक स्थिति बेहतर होही अऊ ऊंखर जीवन म खुशहाली आही। गौरेला पेंड्रा मरवाही जिला के प्रभारी अऊ स्वास्थ्य मंत्री श्री श्याम बिहारी जायसवाल अऊ मरवाही विधायक श्री प्रणव कुमार मरपची ह आज गौरेला विकासखण्ड के करगीखुर्द म ऑयल पाम के पौधा लगाके किसान मन ल एखर फायदा बताइन। जानबा हे के खाद्य तेल के उत्पादन बढ़ाए, किसान मन के आय म बढ़ोतरी करे अऊ खाद्य तेल मन के आयात उपर निर्भरता कम करे के उद्देश्य ले भारत सरकार कोति ले राष्ट्रीय खाद्य तेल मिशन शुरू करे गए हे। ए अभियान के तहत वन अधिकार पट्टा धारक 13 आदिवासी किसान मन के 15 हैक्टेयर क्षेत्र म पहली किश्त म 1250 ऑयल पाम के पौधा लगाए गए हे। इहां प्रति हैक्टेयर 143 के मान ले 2145 पौधा लगना हे।
ऑयल पाम के खेती ले वार्षिक उत्पादन प्रति एकड़ 10 ले 12 टन, कम मजदूर के जरूरत, ऑयल पाम पौधा म बीमारी होए के संभावना कम होथे, जेखर सेती दवाई म होवइया खर्च कम हे। एकर उत्पादन 4 साल ले चालू हो जाथे। फसलोत्पाद बिक्री बर बाजार उपलब्ध हे।  ऑयल पाम खेती के फायदा म खरीदी बर सरकार कोति ले मूल्य के निर्धारण, फसल उत्पादन खरीदी बर संग्रहण केन्द्र के सुविधा, कमीशन एजेंट ले छुटकारा, मुफ्त तकनीकी सहायता, खांटी जानकार कोति ले निरीक्षण, परिक्षण अउ सरलग सहयोग मिलही।  बहुवर्षीय फसल 25 ले 30 साल तक सरलग उत्पादन होथे ऑयल पाम के खेती के रखरखाव बर सरकार कोति ले आर्थिक (सब्सिडी) सहायता घलोक सामिल हे।