रायगढ़ जिला के घरघोड़ा के बरौनाकुंडा म 6 किसान 20 एकड़ म लगावत हें ऑयल पॉम
प्रति एकड़ हर साल एक लाख रूपिया तक होथे आमदनी
रायगढ़, केंद्र पोषित नेशनल मिशन ऑन एडिबल ऑयल पॉम योजना अंतर्गत रायगढ़ जिला म चलत मेगा प्लांटेशन ड्राइव ले किसान मन ल ऑयल पॉम के खेती बर प्रोत्साहित करे जात हे। रायगढ़ म किसान ए योजना के लाभ लेवत हें। घरघोड़ा विकासखंड के बरौनाकुंडा म 6 किसान मन ह 20 एकड़ म ऑयल पॉम के पौधा लगावत हें। जेमे सुरजित सिंह राठिया, पवन साय राठिया, सगुन साय राठिया, श्रीमती जेमाबाई राठिया, जैनकुंवर राठिया अउ मोचन साय राठिया सामिल हे।
The government has signed a contract with Godrej Agrovet Company for the cultivation of oil palm in Raigarh district.
उद्यानिकी विभाग के अधिकारी मन ह बताइन के ऑयल पॉम पौध रोपण के 03 ले 04 साल बाद फरे ल चालू होए म प्रति एकड़ 60 हजार रूपिया अउ पौधा मन के बाढ़त उम्र म जादा उत्पादन ले 1 लाख रूपिया तक के आमदनी किसान मन ल लगातार 25 ले 30 बछर तक प्राप्त होही। रायगढ़ जिला म ऑयल पॉम के खेती बर गोदरेज एग्रोवेट कंपनी ले शासन के अनुबंध होए हे। अनुबंध के तहत कंपनी कोति ले प्लांटिंग मटेरियल के रूप म प्रति एकड़ 57 ऑयल पॉम पौध (किस्म टेनेरा हाईब्रीड) किसान मन ल पहुंचा के देहे जात हे। जेन योजना अंतर्गत अनुदान स्वरूप निःशुल्क हे। 05 एकड़ ले जादा निजी जमीन म ऑयल पॉम पौध रोपण करइया किसान मन ल बोरवेल खनन बर 50 हजार रूपिया अउ रोपित पौधा मन के रख रखाव बर 04 बछर तक प्रति साल 5250 रूपिया अउ 09 मीटर के दूरी म रोपित पौधा मन के बीच खाली जमीन म अंतरासस्य खेती बर 04 बछर तक प्रति साल 5250 रूपिया अनुदान देहे के प्रावधान हे। अनुबंधित कंपनी कोति ले ऑयल पॉम फल (फ्रेश फूट बंच) ल कृषक के खेत ले ही शासन के अनुमोदित दर म क्रय करे जाही।
किसान सगुन साय राठिया ह बताइस के वो ह पांच एकड़ म ऑयल पाम लगावत हे। एखरबर निःशुल्क पौधा प्रदान करे जात हे। संगेच उद्यानिकी विभाग ले योजना के तहत पौधा मन के देखभाल बर मार्गदर्शन देहे जात हे। उमन बताइन के ऑयल पाम पौधा एक अंतराल म लगाए जाथे। जेखर से पौधा मन के बीच के जगा म दुसर फसल लगाए जा सकत हे। वोखर योजना मूंगफली लगाय के हे। अइसनहे गांव के किसान पवन साय राठिया ह बताइस के 6 एकड़ म आयल पाम के 300 ले जादा पौधा लगावत हे। वो ह कहिस के ये एक लम्बा समय तक आमदनी देवइया प्रजाति हे। ऑयल पाम के बीच दुसरा फसल लगाय ले किसान मन ल दोहरा लाभ होथे। शासन के योजना ले पौधा निःशुल्क मिले हे अउ अनुबंधित कंपनी ह खेत ले ही उपज ल खरीद लिही। ये किसान मन बर बड़ राहत के बात हे।
