संस्कृति मंत्री श्री भगत ह विदेशी कलाकार मन ल परघाईन

रायपुर, संस्कृति मंत्री श्री अमरजीत भगत ह छत्तीसगढ़ के धरती म पहुंचे न्यूजीलैण्ड, रसिया, टोगा अऊ मोजांबिक के विदेशी कलाकार मन के आत्मीय स्वागत करिन। मंत्री श्री भगत ह ए विदेशी कलाकार मन ल परघाए बर स्‍वामी विवेकानंद एयरपोर्ट माना रायपुर पहुंचे रहिन। उमन फूल के गुलदस्ता देके राष्ट्रीय आदिवासी नृत्य महोत्सव म सामिल होए आए बर उमन ल बधाई दीन।
जानबा हे कि छत्तीसगढ़ के 23वां स्थापना दिवस अउ राष्ट्रीय आदिवासी नृत्य महोत्सव ये साल 1 ले 3 नवंबर तक राजधानी रायपुर के साईंस कॉलेज मैदान म आयोजित होही। राज्योत्सव अउ राष्ट्रीय आदिवासी नृत्य महोत्सव म सामिल होए खातिर विदेशी कलाकार मन के आए के सिलसिला शुरू हो गए हे। जेमा न्यूजीलैण्ड, रसिया, टोगा अऊ मोजांबिक के कलाकार मन छत्तीसगढ़ पहुंचिन।