छत्तीसगढ़ी भाखा बर न्यायधानी बिलासपुर ले 10 युवा मन ह करीब 125 किलोमीटर के सायकल यात्रा राजधानी रायपुर तक निकालिन युवा मन ह सायकल यात्रा म मनखे मन के हिरदे म छत्तीसगढ़ी भाखा के प्रति अस्मिता भाव जगाए अऊ अपन भाखा के प्रति जन जागरुकता लाए के काम करत रायपुर पहुंचिन। रायपुर पहुँचे सायकल यात्रि मन के रायपुर प्रेस क्लब म छत्तीसगढ़िया महिला क्रांति सेना के सेनानी, साहित्यकार, लेखक अऊ पत्रकार मन ह स्वागत करिन। सायकल यात्री मन ह मुख्यमंत्री निवास जाके छत्तीसगढ़ी म पढ़ाई-लिखाई अऊ सरकारी काम-काज के भाखा के मांग संबंधी ज्ञापन घलोक सौंपिन।
