स्वयं के खाली पड़े जमीन म बनइस डबरी, मछली पालन बनिस आय के जरिया

रायगढ़, 26 दिसम्बर 2020। अपन खाली पड़े जमीन जोन ह खेती के लायक नई रहिस ओमा डबरी बनाके मछली पालन ले पुसौर विकासखण्ड के सूपा गांव के पुनीदाई चौहान ह अपन बर आय के जरिया तियार कर लेहे हे, जोन ह ओला स्वावलंबन के राह दिखाए हे। बछर 2019-20 म पुनीदाई चौहान के माध्यम ले अपन निजी अनुपयुक्त जमीन म नीलक्रांति योजना के तहत 0.20 हेक्टयर के संवर्धन पोखर निर्माण कराय गिस। ओमा मछली पालन विभाग के मत्स्य बीज संवर्धन योजना ले मत्स्य बीज प्राप्त करके ओमन मत्स्य बीज संवर्धन के कार्य करिन। एमा उंखर माध्यम ले अब तक 2 लाख फिंगरलिंग मत्स्य बीज विक्रय कर 40000 के आमदनी करे गिस हे। डबरी के मेढ़ म ओमन मूंगफली, अरहर अऊ अरबी के खेती घलो करिन जेखर ले ओमन ल अतिरिक्त आय घलो मिले हे।