रइपुर, 29 मई 2021 शनिच्चर/ छत्तीसगढ़ म गोधन न्याय योजना के अंतर्गत महिला स्व सहायता समूह गोबर ले खाद अउ आने उत्पाद तियार करके अपन कुशल प्रबंधन ले आय कमावत हे। रायपुर नगर निगम के डंगनिया एसएलआर सेंटर के अंतर्गत जय लक्ष्मी महिला स्व सहायता समूह कोति ले आर्थिक गतिविधि मन के संचालन होवत हे । ये समूह ह 15 मई तक 6 हजार 412 किलो खाद के उत्पादन करके 3 हजार 570 किलो खाद के बिक्री ले 35 हजार 700 रुपिया कमाए हे । उहेंचे नगर निगम रायपुर कोति ले उपराहा वित्तीय सहायता (वीजीएफ) के रूप म ये समूह ल एक लाख दू हजार रूपिया देहे गे हे। समूह ह गोबर के लकड़ी अउ कंडा के विक्रय ले 26 हजार 355 रुपिया कमाए हे । संगे सग समूह ल 15 मार्च तक 5 हजार 895 रूपिया के लाभांश तको देहे गे हे।
जानबा होवय कि गोठान मन म गोबर ले खाद अउ आने वस्तु मन के निर्माण करइया समूह मन के गठन आत्मनिर्भर माडल के आधार म करे गे हे ।गोबर ले बने सबो उत्पाद जइसे खाद, कंडा, लकड़ी के बिक्री ले प्राप्त राशि उंकर खाता म अंतरित होथे।
