रायपुर, नगरीय प्रशासन विकास अऊ श्रम मंत्री डॉ शिव कुमार डहरिया ह आज नवा राजधानी के प्रभावित किसान कल्याण समिति के सदस्य मन ले मुलाकात करिन। डॉ डहरिया ह प्रभावित किसान मन के कई ठन समस्या मन के निराकरण बर जल्दी जरूरी कार्रवाई करत गृह अऊ पर्यावरण मंत्री मोहम्मद अकबर ले भेंट करके किसान मन के समस्या के संबंध म विस्तार ले चर्चा करिन। मंत्री श्री अकबर ह एनआरडीए के मुख्य कार्यपालन अधिकारी मेर बात करिन अऊ जल्दीच जरूरी कार्रवाई करे के निर्देश देहे हे। नगरीय प्रशासन मंत्री ह किसान मन ले चर्चा के समय ओ मन ल बताइन कि छत्तीसगढ़ सरकार कोति ले नवा राजधानी प्रभावित किसान मन के समस्या मन के निराकरण बर सबो जरूरी कार्रवाई करे जात हे। उंखर कई ठन मांग अऊ जरूरत मन के मुताबिक छत्तीसगढ़ सरकार काम करत हे।
नवा राजधानी के प्रभावित किसान मन के समस्या मन के होही निराकरण, होही सबो जरूरी कार्रवाई: डॉ. शिव कुमार डहरिया
