रायपुर, 23 अगस्त 2024। मुख्यमंत्री श्री विष्णु देव साय ले आज इहां ऊंखर निवास कार्यालय म सार्वजनिक दही हांडी उत्सव समिति गुढियारी, रायपुर के पदाधिकारी मन अउ सदस्य मन ह सौजन्य मुलाकात करिन। उमन मुख्यमंत्री ल भगवान श्री कृष्ण जन्मोत्सव के अवसर म 27 अगस्त के आयोजित दही हांडी उत्सव प्रतियोगिता म सामिल होए बर आमंत्रित करिन। मुख्यमंत्री श्री साय ह आमंत्रण बर समिति के सदस्य मन ल धन्यवाद दीन। ए बेरा म श्री प्रबल प्रताप सिंह जूदेव, संयोजक श्री बसंत अग्रवाल, सह-संयोजक श्री हेमेंद्र साहू अउर पदाधिकारीगण उपस्थित रहिन।
संयोजक श्री अग्रवाल ह बताइस के ए प्रतियोगिता म प्रदेश ही न ही भलुक महाराष्ट्र, मध्यप्रदेश, झारखंड अउ उड़ीसा अउ आन राज्य मन ले घलोक गोविंदा टोलि प्रतिभागी के रूप म प्रतियोगिता म भाग लेहे आ वत हें। उमन बताइन के समिति के संग श्री कृष्ण भक्त मन के मनोरंजन बर शिव भजन गायक बाबा हसंराज रघुवंशी जी अउ छत्तीसगढ़ के लाडली बेटी गरिमा-स्वर्णा दिवाकर के संग सांस्कृतिक कार्यक्रम के प्रस्तुति देहे जाही अउ उड़ीसा के कलाकार मन ह घंटा बाजा के प्रदर्शन घलोक करहीं। एखर संगेच वृंदावन ले आए कृष्ण लीला के मनमोहक झांकी विशेष आकर्षण के केंद्र रइही।
