डेयरी उद्यमिता विकास योजना ले सुखसागर ल मिलीस आर्थिक स्वावलंबन

जशपुर, मुख्यमंत्री श्री विष्णुदेव साय के मंशा के मुताबिक पशुधन विकास विभाग कोति ले जशपुर जिला के गौपालक मन ल विभागीय योजना मन के लाभ देवा जात हे। इही कड़ी म बगीचा विकासखण्ड के किसान सुखसागर यादव ह राज्य पोषित डेयरी उद्यमिता विकास योजना अऊ राष्ट्रीय कृत्रिम गर्भाधान कार्यक्रम अंतर्गत नस्ल सुधार योजना के लाभ लेके अपन आर्थिक स्थिति ल सुदृढ़ करे हे।
यादव एक सामान्य किसान हे। योजना के लाभ प्राप्त करे के पहिली वोखर पास केवल एक देसी गाय रहिस, जेन रोज लगभग एक लीटर दूध देत रहिस। ए दूध के उपयोग परिवार के जरूरत पूर्ति तक ही सीमित रहिस अऊ पशुपालन ले कोनो अकतहा आय नइ होत रहिस। पशुधन विकास विभाग कोति ले राज्य डेयरी उद्यमिता विकास योजना के अंतर्गत ओ ल 70 हजार रूपिया के अनुदान देहे गीस। ए सहयोग ले वो ह एक उन्नत नस्ल के जर्सी गाय अऊ एक साहीवाल क्रॉस गाय बिसाइस। संगे राष्ट्रीय कृत्रिम गर्भाधान कार्यक्रम के अंतर्गत नस्ल सुधार के घलोक लाभ मिलीस।
अभी हाल म यादव के डेयरी ले रोजेच 16 ले 18 लीटर दूध के उत्पादन होवत हे। एला बेंच के ओ ल हर महीना 25 ले 30 हजार रूपिया तक के आय होवत हे। एखर ले अकतहा कृत्रिम गर्भाधान ले प्राप्त उन्नत नस्ल के बछिया अऊ बछवा वोखर पशुधन ल अऊ सुदृढ़ बनावत हे। पशुधन विभाग कोति ले समय-समय म वोखर पशु मनके स्वास्थ्य परीक्षण, कृमिनाशक दवइ अऊ मिनरल मिक्सचर के उपलब्धता अऊ तकनीकी मार्गदर्शन घलोक देहे जात हे। शासकीय योजना मन के प्रभावी क्रियान्वयन अऊ अपन लगन अउ मेहनत ले सुखसागर यादव आज आर्थिक रूप ले मजबूत होए हे अऊ आन किसान मन बर प्रेरणा बने हे।