रायपुर 28 सितंबर 2023
दूरस्थ छेत्र के महिला, पशुपालक मन आज आजीविका ले जुड़ के सशक्त होवत हे। उमन ल गांव में ही रोजगार मिले से उमन ह अबड़ खुस हे। बलरामपुर जिला के वाड्रफनगर अउ राजपुर में स्व सहायता समूह के महिला मन डेयरी व्यवसाय ले जुड़ के दूध उत्पादन के बुता करत हे। एकर सीधा लाभ तिर तखार के सब्बो पशुपालक मन ल होवत हे। रीपा के तहत दूध इकाई स्थापित होए से महिला उघमिता ल बढ़ावा मिलत हे। वर्तमान में दू समूह में महिला म मिल के दूधवाला नाम से डेयरी संचालन करत हे। महिला मन ह बताइस कि गांव के आस पास के पशुपालक मन से दूध बिसा ले दूध अउ दूध ले बने खाए के जिनिस बेचत हे। महिला मन अउ पशुपालक मन ल बजार मिले से उमन आय मे बढ़ोतरी होवत हे।
समूह के 70 महिला मन ल मिलिस रोजगार
योजना के सुरुआती चरन में वाड्रफनगर अउ राजपुर में दूध संग्रहण केंद्र खोले गए हे, जेमा विभिन्न समूह के 70 महिला मन दूध संग्रहण अउ वितरण के बुता करत हे। समूह के महिला मन के द्वारा आस-पास के 10 ठ गाव के 76 पशुपालक मन से लगभग 152 लीटर दूध के खरीदी नियमित रूप से करे जाथ हे। समूह के महिला मन द्वारा नगरीय क्षेत्र के 136 उपभोक्ता मन ल प्रतिदिन बिहान मार्ट के द्वारा दूध के बेचरी करे जाथ हे। संग ही बाचे दूध ले समूह के महिला मन विभिन्न प्रकार के मिठाई तियार करत हे। ए योजना के सुरुआत ले अभी तक दूनों केंद्र से लगभग 05 लाख 70 हजार के दूध ले खरीदी करे गए हे, अउ 05 लाख 64 हजार के बेचरी घलो हो गए हे। संग ही बाचे दूध से मिठाइ बना के बेच के उमन अतिरिक्त लाभ प्राप्त करत हे। सदाबहार समूह के सदस्य श्रीमती मीना बतात हे कि महिला मन ल मिला के एक उत्पादक समूह के गठन करे गय हे, जेकर नाम सदाबहार उत्पादक समूह राखे गए हे।